Isaias 33:9 - BIBLIA - traduson antigu in Krioulo

⁹ Tera na jimi, i cora. Líbanu burguñu; si matu bida seku. Saron bida suma lala. Na Basan ku Karmelu, fojas konkoñi tudu.

Isaias 33:9 ပူးပေါင်းရင်းမြစ်များ

Jo 15:33

I na sedu suma pe di uva ku si uvas verdi konkoñi, suma ku flor di olivera ta kai.

Kantiga di Salomon 2:1

Ami N sedu suma un rosa di Saron, un liriu ku lanta na kobon.

Isaias 10:34

I na korta matu ficadu ku mancadu. Líbanu na kai pa mon di kil ku ten puder.

Isaias 14:8

Te propi piñerus ku sedrus di Líbanu e na grita ku kontentamentu aserka di bo, e fala: ‘Disna ku bu kai, ningin ka bin pa nos pa kortanu.’

Isaias 2:13

I na sta kontra tudu sedrus di Líbanu mas altu di ki tudu utru arvuris, kontra tudu karvajus di Basan,

Isaias 24:1

Jubi, SIÑOR na kaba ku tudu na mundu, i disal sin nada. I na dana tudu tera, i pajiga si moraduris.

Isaias 29:2

Ami N na perta Ariel tok i tene cur ku miskiñu. I na sedu pa mi suma kau di pui fugu na altar.

Isaias 3:26

Portons di prasa na jimi, e na cora; prasa na sedu suma minjer ku sinta na con, sin nada.

Isaias 35:2

Ki floris na ciu; tera na kontenti dimas, i na kanta ku alegria. I na bonitu suma Líbanu, o suma Saron o monti di Karmelu. E na oja gloria di SIÑOR, ku garandesa di no Deus.

Isaias 37:24

Bu manda jinti pa koba SIÑOR, bu fala: “Ku multidon di ña karus N subi riba di montis mas altu di Líbanu. N korta si sedrus mas kumpridu ku si faias mas bonitu. N ciga na si ponta mas altu, te na si matu garandi ku si lugaris ku mas ta pruduzi.

Isaias 65:10

Saron na sedu lugar di bakia karnel; kobon di Akor na sedu kau di diskansu pa bakas ku pertensi ña pobu ku buskan.

Jeremias 50:19

ma N na ribanta Israel pa si morada; e na kume na monti Karmelu ku Basan, e na farta na montis di Efrain ku Jilead.

Oseias 4:3

E ku manda tera na seku; jinti ku mora nel na magru; elis tudu ku limarias di matu, ku kacus ku ta bua, te ku pis di mar, e na muri.

Amos 1:2

Amos fala: “SIÑOR na papia risu na Sion, na Jerusalen i na papia suma turbada. Cur ten na kau di bakiaduris; riba di monti Karmelu paja seku.”

Mikeias 7:14

Ku bu manduku, bakia bu pobu, ku sedu koral di bu yardansa, ku ta mora el son na matu, na kau ku tene paja ciu. Disa elis pa e kume paja na Basan ku Jilead, suma na tempu antigu.

Naun 1:4

I ta raprindi mar, i fasil pa i seku; i ta mingua yagu di rius. Paja di tera di Basan ku di monti Karmelu ku flor di Líbanu na lati.

Atus 9:35

Tudu kilis ku mora na Lida ku Sarona e ojal, e seta Siñor.

Ripitison di Lei 3:4

Na ki tempu no toma tudu si prasas; nin un ka kaplinu na ki sesenta prasa na tudu reẑion di Argob, na renu di Og di Basan.