Isaias 33:4 - BIBLIA - traduson antigu in Krioulo

⁴ Omis na junta riba di se rikesa, e lebal, suma ku gamfañotis nobu ta ruma riba di planta, e kaba ku el.

Isaias 33:4 ပူးပေါင်းရင်းမြစ်များ

2 Kronikas 14:13

Asa ku si tropas e serka elis te na Jerar. Manga di omi di Etiopia muri, tok kilis ku sobra ka pudi torna ngaña forsa, pabia SIÑOR ku si tropas kebranta se puder. Asin omis di Judá leba manga di kusa ke toma na gera.

2 Kronikas 20:25

Oca ku Jeosafá ku si omis bai pa buska ke ke pudi oja pa leba, e oja manga di rikesa, ku ropa ku utru kusas di balur, ciu dimas pa e lebal tudu. E yurni kil ke pudi duranti tris dia.

Isaias 33:23

Kordas di barkus na bagana tok mastru ka pudi fika firmi, nin vela ka pudi tesantadu. Asin manga di rikesa na robadu, i rapatidu; te mankus na bai toma se parti.

Isaias 33:3

Nasons ta kuri ora ke obi baruju di gera; e ta pajiga ora ku bu lanta.

Isaias 33:5

SIÑOR i garandisidu pabia i mora na kau mas altu na seu; i inci Sion ku retidon ku justisa.

Ezekiel 25:7

Suma ku bu fasi asin, ami N na distindi ña mon kontra bo, N na ntregau pa utru nasons ku na roba tudu bu kusas. N na rinkau na metadi di utru rasas; N na pirdintiu suma nason, N na kaba ku bo. Bu na sibi kuma ami N sedu SIÑOR.’ ”

Joel 1:4

Nuvens di gamfañotis bin; kil ku purmeru nuven sobra, sugundu nuven kume; kil ku sugundu nuven sobra, terseru nuven kume; kil ku terseru nuven sobra, kuartu kumel.

Joel 2:25

“N na paga bos na konta di ki anus ku gamfañotis kume bo kusas, ki gamfañotis di tudu koldadi, ki garandi nuven di tropas ku N manda kontra bos.

Joel 2:3

Dianti ku tras sedu suma fugu ku na yardi ku forsa, i kaba ku tudu. Tera se dianti i suma jardin di Eden, ma se tras i un lala sin paja; nada ka na kapli delis.

Joel 2:9

E ciga na prasa kinti-kinti, e kuri na muras, e subi na kasas, e kamba na janelas suma ladron.