Isaias 33:16 - BIBLIA - traduson antigu in Krioulo

¹⁶ Es i ki algin ku na mora na kau mas altu; i na sta suguru na kau forti di montaña. I na dadu si pon; si yagu ka na faltal.

Isaias 33:16 ပူးပေါင်းရင်းမြစ်များ

1 Reis 19:6

Elias jubi, i oja lungu di si kabesa un pon kusñadu riba di brasas ku un jaru di yagu. I kume, i bibi, i torna dita.

Salmus 107:41

Ki koitadis ku kalkadu, i lantanda elis pa un kau suguru; i buri se familias suma karnel.

Salmus 111:5

I ta da kumida pa kilis ku rispital; sempri i ta lembra di si kontratu.

Salmus 15:1

SIÑOR, kin ku pudi mora na bu kasa? Kin ku pudi mora na bu monti sagradu?

Salmus 18:33

I ta fasi ña pe suma di gazela; i ta firmantan na kau altu.

Salmus 33:18

Ma uju di SIÑOR sta riba di kilis ku rispital, kilis ku pui se speransa na si bondadi

Salmus 34:10

Fijus di lion pudi sinti falta, e pasa fomi, ma kilis ku buska SIÑOR, nada ka na falta elis.

Salmus 37:3

Fiansa na SIÑOR, bu fasi ben; bu na mora na tera di Israel, bu kume diritu na kau suguru.

Salmus 62:7

Ña salbason ku onra dipindi di Deus; el i ña roca forti, ña kau suguru.

Salmus 90:1

SIÑOR, bu sedu no kau suguru disna di kumsada di mundu te gosi.

Salmus 91:14

SIÑOR fala: “Suma ki aman ciu, ami N na libral; N na pul na un kau altu suguru, pabia i rikuñisi ña nomi.

Ditus 1:33

ma kil ku para sintidu na ña palabra i na mora suguru, ketu, sin medu di mal.”

Ditus 10:9

Kil ku yanda na bardadi i ta sta suguru, ma kil ku yanda na kamiñu tortu i na pañadu.

Ditus 18:10

Nomi di SIÑOR i suma tori forti; algin justu ta kuri pa el, i fika suguru.

Isaias 25:4

Bu sedu kau forti pa koitadi na si foronta, kau di suguransa pa kil ku ten falta. Bu sedu kau di sukundi di turbada, sombra na ora di kalur, pabia folgu di jinti ku ta kalka utrus i suma turbada ku na suta mura,

Isaias 30:20

Inda ku SIÑOR da bos pon di kasabi ku yagu di sufrimentu, bu pursoris ka na sukundi mas di bo; bu uju na oja elis.

Isaias 32:18

Ña pobu na mora na moransa di pas, na kasas ben suguru, na kau ketu di diskansu,

Isaias 49:10

Nunka e ka na tene fomi nin sedi; nin kalur, ku fadi sol, ka na foronta elis, pabia kil ku ta ten pena delis i na gia elis, i leba elis diritu pa ujus di fonti.

Isaias 58:14

bu na oja bu kontentamentu na SIÑOR. N na pou pa bu yanda montadu riba di kaus altu di tera, pa bu goza di yardansa di bu pape Jakó.” SIÑOR propi ku fala es.

Jeremias 37:21

Asin rei Zedekias da ordi pa e pui Jeremias na kintal di guarda. E dal un pon kada dia di rua di paderus, tok pon kaba tudu na prasa. Jeremias fika la na kintal di guarda.

Joel 3:16

SIÑOR na papia risu na Sion, i na yalsa vos forti na Jerusalen; seu ku tera na tirmi, ma SIÑOR na sedu kau suguru pa si pobu, kau forti pa fijus di Israel.

Abakuk 3:19

SIÑOR Deus i ña forsa; i ta fasi ña pe suma pe di gazela, i ta pun pa N yanda na montañas. (Pa ŝef di koral, na ña instrumentus di musika.)

Mateus 6:11

Patinu aos kumida ku no pirsisa del.

Ripitison di Lei 33:29

O Israel, abo i sortiadu! Kin ku sedu suma bo, un pobu ku SIÑOR salba? El i bu tajadera ku ta sakurau, tambi i bu spada gloriosu. Pa kila bu inimigus na fika bas di bo; bu na masa elis.”