Isaias 32:6 - BIBLIA - traduson antigu in Krioulo

⁶ Tulu ta papia kusas di tulesa; si pensamentu sta son na mal ki dibi di fasi. I ta finji, i konta kusas ku ka bardadi aserka di SIÑOR. I ta disa kilis ku tene fomi sin nada; kilis ku tene sedi, i ta tuji elis yagu.

Isaias 32:6 ပူးပေါင်းရင်းမြစ်များ

Salmus 141:4

Ka bu disa ña korson jingi pa mal, pa N fasi kusas tortu ku jinti ku ta fasi mal. Judan pa N ka kume se kusas sabi.

Ditus 19:3

Tulesa di omi ta dana si vida, ma dipus i ta bin paña raiba di SIÑOR.

Ditus 24:7

Jiresa ta pasa riba di kabesa di tulu; na juntamentu na porton di prasa i ka ta yabri si boka.

Isaias 10:2

pa tuji koitadi ngaña na justisa, pa tira diritus di kilis di ña pobu ku foronta, pa roba kusas di viuvas ku orfans.

Isaias 10:6

N na mandal kontra un nason ku ka mporta ku Deus, kontra pobu ku N ten raiba del; N dal ordi pa i roba kusa di jinti, i toma rikesa, i masa jinti suma lama na ruas.

Isaias 26:10

Nin si omis mau e mostradu fabur, e ka ta nsina yanda diritu. Mesmu na tera nunde ku jinti ta yanda diritu, elis e ta fasi mal, e ka ta rikuñisi garandesa di SIÑOR.

Isaias 3:15

Kal roson ku bo ten pa kastiga ña pobu, bo dana rostu di koitadis?” Asin ku SIÑOR, Deus ku ten tudu puder, punta.

Isaias 31:2

SIÑOR i jiru, i na pui mal pa i bin; i ka na maina fasi kil ki fala. I na lanta kontra jinti ku ta fasi mal, ku kilis ku ta juda elis.

Isaias 59:13

No ta nega SIÑOR, no konta mintida kontra el, no vira kosta pa no Deus, no pui jinti pa e kalka utrus, e ravolta; no korson forma mintida ku sai na no boka.

Isaias 59:7

Se pe ta kuri pa mal; e ta janti pa darma sangi di algin ku ka ten kulpa. Na se kabesa e tene son pensamentus di pekadu; na se kamiñu, i son batimentu ku danu.

Isaias 9:17

E ku manda SIÑOR ka ta kontenti ku se jovens, nin i ka ta sinti pena di se orfans ku viuvas, pabia elis tudu e ka ta mporta ku Deus, e sedu mau; tudu ke papia i mau. Mesmu asin, si raiba ka kalma, ma si mon sta inda yalsadu.

Jeremias 13:23

Nta un omi di Etiopia pudi muda si peli? O leopardu pudi muda si mancas? Abos gora? Suma bo nsinadu fasi mal, bo na pudi fasi ben me?

Ezekiel 34:18

Nta i ka ciga pa bo kume bon paja, sin bo ka masa restu ku pe? I ka ciga pa bo bibi yagu limpu, sin bo ka susa restu ku pe?

Daniel 12:10

Manga di jinti na purifikadu, e na bida sin manca, e na probadu, ma disobdientis na kontinua sedu disobdienti; nin un delis ka na ntindi, ma jirus na ntindi.

Amos 8:6

Tambi no na bindi kaska di trigu; no na kumpra koitadis ku diñeru, no kumpra kilis ku ten falta pa un par di sapatu.”

Mateus 15:19

I di korson ku pensamentus mau ta sai nel, ku mata, kai cai, fasi pekadu seksual, furta, konta mintida pa algin, papia mal kontra jinti.

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Tiagu 1:27

Koldadi riliẑion ku ka ten kulpa nin manca dianti di Deus no Pape i es: pa bai juda orfans ku viuvas na se kansera, tambi pa libra di podrisa de mundu.

1 Samuel 24:13

Suma ku ditu antigu fala: ‘Son jinti mau ku ta pratika mau kusa.’ Asin ña mon ka na sta kontra bo.