Isaias 31:7 - BIBLIA - traduson antigu in Krioulo

⁷ pabia dia na bin ku kada un di bos na bota fora si idulus di prata ku uru ku bo fasi ku bo mon pa peka.

Isaias 31:7 ပူးပေါင်းရင်းမြစ်များ

Isaias 17:8

I ka na jubi pa altaris ki kumpu ku si mon, nin i ka na pui sintidu na idulus di Aserá nin na altaris di nsensu ku el propi i kumpu.

Isaias 2:20

Na ki dia omis na toma se idulus di prata ku uru ke kumpu pa ba ta adora, e na bota elis pa bagabaga ku mursegu.

Isaias 30:22

Bu idulus labradu, ku kubridu ku prata, ku bu imaẑens fundidu di uru, bu na tene elis suma kusa nujenti, bu bota elis fora suma panu susu, bu fala elis: “Bo sai di li!”

Ezekiel 36:25

N na waga yagu puru riba di bos, bo na purifikadu. N na purifika bos di tudu susidadi ku tudu bo idulus.

Oseias 14:8

Efrain na punta: ‘Ke ku N ten mas ku idulus?’ Ami N obi si orason, N na toma konta del. Ami i suma piñeru, sempri verdi; si frutu ta ojadu na mi.”

Oseias 8:11

“Efrain, na si pekadu, i buri kumpu manga di altar, ma ki altaris bin bida pekadu pa el.

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.