Isaias 31:5 - BIBLIA - traduson antigu in Krioulo

⁵ Suma ku kacus ta bua riba di se niñu pa difindil, asin ku SIÑOR ku ten tudu puder na difindi Jerusalen; i na pasa riba del, i difindil, i libertal, i salbal.”

Isaias 31:5 ပူးပေါင်းရင်းမြစ်များ

Kumsada 1:2

Tera staba sin forma; I ka tenba nada nel. Sukuru tenba riba di kau fundu. Spiritu di Deus na yandaba riba di yagu.

2 Reis 19:34

N na difindi e prasa pa salbal, pa amor di ña nomi, ku amor pa ña servu Davi.’ ” Asin ku SIÑOR fala.

2 Kronikas 32:22

Asin ku SIÑOR libra Ezekias ku moraduris di Jerusalen di mon di Senakerib, rei di Asiria, ku mon di tudu se inimigus, i da elis susegu na tudu ladu.

Salmus 37:40

SIÑOR ta juda elis, i libra elis; i na kaplinti elis di jinti mau, i salba elis, pabia e fiansa nel.

Salmus 46:5

Ki prasa ka na bulbulidu; Deus sta na si metadi, i na judal mandrugada.

Salmus 46:6

Nasons torna brabu; renus bulbuli; Deus pui si vos pa i obidu; mundu bin ribi.

Salmus 91:4

I na kubriu ku si asas; bas di si penas bu na sta suguru; si bardadi i sedu tajadera ku ta guardau.

Saida 12:27

bo ta fala elis: ‘Es i sakrifisiu di Paskua pa SIÑOR ku pasa riba di kasas di fijus di Israel na Ejitu, i libra no kasas, oca i na mataba ejipsius.’ ” Asin pobu mpina e ngaba Deus;

Saida 19:4

‘Abos bo oja ke ku N fasi ku ejipsius, bo oja tambi manera ku N leba bos suma ku agia ta leba si fijus na asas, N tisi bos li pa mi.

Isaias 10:14

Suma ku algin ta bai pa niñu, i miti mon, i junta ovus ku bandonadu, asin ku ña mon toma rikesas di nasons, N junta tudu teras. I ka ten kin ku yalsa si asa, o ku yabri si boka i papia.’ ”

Isaias 26:1

Dia na ciga ku e kantiga na kantadu na tera di Judá: No tene un prasa forti ku tene muras ku toris, ku sedu salbason ku Deus danu.

Isaias 27:3

Ami, SIÑOR, N ta bisial, N ta regual tudu ora. N ta guardal di dia ku di noti pa ka ningin fasil mal.

Isaias 35:4

Bo fala kilis ku tene korson tarpajadu: “Bo sedu forti; ka bo medi. Ali bo Deus na bin ku vingansa; i na bin kastiga bo inimigus, i salba bos.”

Isaias 37:35

‘N na difindi e prasa, pa libral, pa ña onra, tambi pabia di ña servu Davi.’ ”

Isaias 38:6

N na kaplintiu, abo ku e prasa, di mon di rei di Asiria; N na difindi e prasa.” (v 21) Isaias fala rei pa i fala jinti pa e kumpu pasta di figus, e kental, e pui na si caga; asin i ta san. (v 22) Ezekias puntal: “Kal ku na sedu sinal di kuma N na bin bai pa kasa di SIÑOR?”

Zakarias 9:14

SIÑOR na ojadu riba di fijus di Sion; i na manda si fleŝas suma relampagu. SIÑOR Deus na toka trombeta, i na marŝa ku turbadas di sul.

Zakarias 9:8

SIÑOR fala: “N na kampa na roda di ña kasa pa difindil kontra tropas, pa ka ningin pasa, nin pa i riba; pa ka ningin pasa mas riba di ña pobu pa kalka elis, pabia N na bisia.”

Ripitison di Lei 32:11

Suma ku agia ta buli si niñu, i bua riba di si fijus, i distindi si asas pa paña elis, i leba elis riba di si asas.