Isaias 30:3 - BIBLIA - traduson antigu in Krioulo

³ ma forsa di Faraó i na tisi bos son borgoña; fiansa ku bo ten na sombra di Ejitu na tisi kunfuson.

Isaias 30:3 ပူးပေါင်းရင်းမြစ်များ

2 Reis 18:21

Bu fiansa na Ejitu? Kila i manduku di kana ku kebra, ku ta fidi mon di kil ku ngosta nel. Asin ku Faraó, rei di Ejitu, sedu pa tudu jinti ku fiansa nel.

Salmus 108:12

Judanu kontra no inimigus, pabia ajuda di omi ka bali.

Ditus 25:19

Algin infiel ku bu misti fiansa nel na tempu di foronta, i suma dinti ku kebra, o pe ku sai na si lugar.

Isaias 20:5

Kilis ku puiba se speransa na Etiopia, ku ta njata pa Ejitu, e na panta, e fika ku borgoña.

Isaias 20:6

Na ki dia, jinti ku mora lungu di mar na fala: ‘Jubi ke ku pasa ku ki jinti ku no na speraba nel, ku no kuri pa e sakuranu, e libranu di rei di Asiria! Kuma ku no na bin kapli?’ ”

Isaias 36:6

Bu fiansa na Ejitu? Kila i suma manduku di kana kebradu ku ta fidi mon di kil ku nkuña nel. Asin ku Faraó, rei di Ejitu, sedu pa tudu jinti ku fiansa nel.

Jeremias 2:36

Ke ku manda bu na muda-muda bu kamiñu? Suma ku Asiria falia, asin ku Ejitu na falia.

Jeremias 42:18

Asin ku SIÑOR ku ten tudu puder, Deus di Israel, fala: ‘Suma ku forsa di ña raiba i darmadu riba di moraduris di Jerusalen, asin ku ña raiba na darmadu riba di bos ora ku bo yentra na Ejitu. Jinti na panta pabia di bos, e na njuti bos, e fasi bos trosa, e maldisua bos. Bo ka na oja mas e kau.’

Jeremias 42:22

Asin bo pudi sibi kuma bo na muri ku spada, fomi o duensa na ki kau nunde ku bo misti mora nel.”

Jeremias 46:25

Asin ku SIÑOR ku ten tudu puder, Deus di Israel, fala: “N na kastiga Amon, ku sedu deus di No, ku Faraó, ku Ejitu, ku se deusis, ku se reis. Faraó propi, ku kilis ku fia nel,

Ezekiel 29:7

Oca ke pegau ku mon, bu kebra, bu molosta elis na ombra. Oca ke ngosta na bo, bu kebra; e bin paña jitu na rabada tok e ka pudi yanda.

Oseias 10:6

Ki idulu na lebadu pa Asiria suma pursenti di mpustu pa rei Jareb. Efrain na fika na kunfuson, Israel na sta na borgoña pabia i seta konsiju di idulu.

Romanus 10:11

Skritura fala kuma tudu ku setal ka ta pasa borgoña.

Romanus 5:5

speransa ka ta tisi disanimu, pabia Spiritu Santu ku no dadu i darma amor di Deus dentru di no korson.