Isaias 30:15 - BIBLIA - traduson antigu in Krioulo

¹⁵ Asin ku SIÑOR Deus, Deus Santu di Israel, fala: “Bo konverti, bo diskansa; bo ta sedu salbu. Si bo susega, bo fiansa na mi, bo ta ten forsa,” ma bo ka misti kila.

Isaias 30:15 ပူးပေါင်းရင်းမြစ်များ

1 Kronikas 5:20

E coma Deus na gera, e fiansa nel; Deus obi elis, i juda elis pa e ngaña vitoria riba di agarenus ku tudu ki jinti ku juntaba ku elis.

2 Kronikas 16:8

Nta tropas di Etiopia ku Libia e ka seduba ciu dimas, ku ki manga di karu ku kabaleru? Ma suma ku bu fiansaba na SIÑOR, el i dau vitoria riba delis,

2 Kronikas 32:8

I forsa di omi ku sta ku el, ma SIÑOR no Deus, el ku sta ku nos, pa judanu, pa geria pa nos.” Asin pobu diskansa na palabra di Ezekias, rei di Judá.

Salmus 116:7

Ña alma, torna fika diskansadu, pabia SIÑOR fasiu ben.

Saida 14:14

SIÑOR na geria pa bos; bo kala son!”

Isaias 28:12

i fala elis: “Es i kau di diskansu; bo disa kin ku kansa pa i diskansa; es ki aliviu di bardadi.” Ma e ka seta obi.

Isaias 30:11

Bo sai na kamiñu, ka bo tajanu; bo para pui Deus Santu di Israel pa i sta no dianti.”

Isaias 30:7

Ejitu ta juda elis amonton. Pa kila N comal: “Dragon ku ka ta fasi nada.”

Isaias 32:17

Manera ku jinti na yanda na justisa ku retidon, pas, diskansu ku suguransa na ten pa sempri.

Isaias 32:18

Ña pobu na mora na moransa di pas, na kasas ben suguru, na kau ketu di diskansu,

Isaias 40:31

ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Isaias 42:24

Jakó, ku comadu tambi Israel, kin ku ntregal pa i sedu prezu di gera? Nta i ka SIÑOR, kil ke peka kontra el, e nega yanda na si kamiñus, nin pa para sintidu na si lei?

Isaias 45:22

“Bo jubi pa mi pa bo sedu salbu, abos di tudu kantus di mundu, pabia ami i Deus; i ka ten mas utru.

Isaias 7:4

Falal: ‘Toma sintidu, bu keta; ka bu medi, nin ka bu disanima pabia di fugu di raiba di Rezin ku si jinti di Siria, ku fiju di Remalias, pabia e sta suma dus padas di leña ku na fuma.

Jeremias 23:36

Ma nunka mas ka bo fala ‘rekadu di SIÑOR’, pabia palabra di kada algin i ta torna suma ‘rekadu’. Asin bo ta tursi palabras di Deus bibu, SIÑOR ku ten tudu puder, bo Deus.

Mateus 22:3

I manda si kriadus pa e coma jinti ki kumbidaba ja pa festa, ma e ka misti bin.

Mateus 23:37

“Ai Jerusalen, Jerusalen, ku ta mata anunsiaduris, bu ta da ku pedras jinti ku Deus mandau! Kantu bias ku N misti junta bu fijus suma galiña ta junta si fijus bas di si asas, ma bu ka seta!

Lukas 13:34

“Ai, Jerusalen, Jerusalen, ku ta mata anunsiaduris, bu ta da ku pedra kilis ku Deus mandau! Kantu bias ku N misti junta bu fijus suma ku galiña ta junta si pinton bas di si asa, ma bu ka seta!

Bon Noba di Jesus Kristu ku Jon 5:40

Inda asin bo ka misti bin pa mi pa bo tene vida.

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.