Isaias 30:1 - BIBLIA - traduson antigu in Krioulo

¹ SIÑOR fala: “Koitadi fijus rebeldi, ku ta forma planus ku ka sedu di mi; e ta fasi kontratu, ma i ka di ña vontadi; e buri pekadu riba di pekadu.

Isaias 30:1 ပူးပေါင်းရင်းမြစ်များ

2 Reis 18:21

Bu fiansa na Ejitu? Kila i manduku di kana ku kebra, ku ta fidi mon di kil ku ngosta nel. Asin ku Faraó, rei di Ejitu, sedu pa tudu jinti ku fiansa nel.

2 Reis 18:24

Kuma ku bu pudi njuti kualker ŝef di ña mestre, nin si i ka sedu ningin na metadi di utru ŝefis? Ma abo bu fiansa na Ejitu pa i dau karus ku kabalerus!

Salmus 61:4

Disan mora na bu kau sagradu pa sempri, pa N fika suguru bas di bu asas. Sela

Isaias 1:2

O seu, sukuta! O tera, para sintidu, pabia SIÑOR na papia, i fala: “N kria fijus tok e garandi, ma e rabida kontra mi.

Isaias 1:23

Bu ŝefis sedu disobdienti, kumpañeris di ladrons; kada un delis ta misti suku di bas, i ta kuri tras di diñeru. E ka ta difindi diritu di orfan, nin e ka ta para sintidu na kasu di viuvas.

Isaias 1:4

Ai di nason ku ta fasi pekadu, pobu ku karga pekadu, rasa malvadu, fijus ku ntregadu pa kurupson; e nega SIÑOR, e papia mal kontra Deus santu di Israel, e dal kosta.

Isaias 1:5

Ke ku manda bo kontinua disobdienti, pa bo sta sempri kastigadu? Abo Judá, bu kabesa tene cagas, bu korson sta duenti.

Isaias 28:15

Bo ta fala: “No fasi kontratu ku mortu, no sina akordu ku kau di mortus, pa ora ku korenti forti di yagu na pasa, i ka na ciga na nos, pabia no fasi mintida pa i sedu no kau di suguransa, no sukundi bas di nganu.”

Isaias 28:20

Bo na parsi ku ki algin ku dita na kama kurtu, i ka pudi distindi si pe, i kubri ku panu pikininu ku ka cigal.

Isaias 29:15

Koitadi di kilis ku ta fasi se planus na kau sukundidu pa SIÑOR ka oja elis, e fasi se kusas na sukuru, e punta: “Kin ku na ojanu? Kin ku na sibi?”

Isaias 30:9

pabia es i pobu rebeldi, fijus munturus, fijus ku ka ta misti sukuta lei di SIÑOR,

Isaias 31:1

Koitadi di kilis ku ta bai buska ajuda na Ejitu, e fiansa na kabalus ku se manga di karu, ku se kabalerus manera ke sedu forti dimas, ma e ka na jubi pa Deus Santu di Israel, nin e ka na buska SIÑOR.

Isaias 32:2

Un omi na sedu abrigu kontra bentu, ku kau di sukundi kontra turbada; i na sedu suma riusiñus di yagu na kau seku, suma sombra di pedra garandi na tera ku ka tene yagu.

Isaias 4:5

Riba di tudu kasas na monti di Sion, ku tudu juntamentus di pobu, SIÑOR na kumpu un nuven di fumu di dia, ku ŝamas di fugu ku na lampra di noti. Ki gloria na sedu kubertura riba di tudu monti.

Isaias 5:18

Ai di kilis ku ta junda maldadi ku kordas di nganu, ku ta leba pekadu suma algin ta junda kabra ku korda.

Isaias 63:10

ma e torna disobdienti, e fasi si Spiritu Santu fika tristi. Asin i torna se inimigu; el propi i geria kontra elis.

Isaias 65:2

Tudu dia N distindi ña mon pa un pobu rebeldi, ku ta yanda na kamiñu ki ka bon, ku na fasi konformi se propi pensamentus,

Isaias 8:11

SIÑOR papia ku mi, ku mon forti riba di mi, i avisan pa ka N yanda na kamiñu de pobu. I falan:

Isaias 8:12

“Kusa ku e pobu coma kontratu, ka bo fia nel; ka bo medi kusa ke medi, nin ka bo panta pabia del.

Isaias 8:19

Jinti pudi fala bos pa bo bai punta diviñaduris ku jinti ku ta papia ku mortus, ku ta subia suma kacus o e bulbuli boka suma e na papia. Nta jinti ka dibi di punta se Deus? Mortus ta puntadu pa fabur di bibus?

Jeremias 17:5

Asin ku SIÑOR fala: “Maldisuadu i omi ku fiansa na omi, ku dipindi di forsa di karni, ku si korson lunjusi SIÑOR.

Jeremias 2:18

Ke ku bu na ngaña si bu bai pa Ejitu pa bibi yagu di riu Sior? O ke ku bu na ngaña si bu bai pa Asiria pa bibi yagu di riu Eufrates?

Jeremias 37:7

“Ami, SIÑOR Deus di Israel, N fala: Asin ku bo na konta rei di Judá ku manda bos pa buska sibi ke ku na sedu: ‘Tropas di Faraó ku sai pa juda bos e na riba pa se tera, ku sedu Ejitu.

Jeremias 4:17

Suma guardas di un lugar, asin ke na rodia Jerusalen, pabia pobu di Deus disobdisil. Asin ku SIÑOR fala.

Jeremias 42:19

“Abos ku sobra di Judá, SIÑOR fala bos: ‘Ka bo yentra na Ejitu.’ Bo pudi ten sertesa kuma N na avisa bos aos.

Jeremias 5:23

Ma e pobu tene korson ntemus, disobdienti. E vira, e bai.

Ezekiel 11:2

SIÑOR falan: “Fiju di omi, i e omis ku na fasi planu di mal, ku na da mau konsiju na prasa.

Ezekiel 2:3

I falan: “Fiju di omi, ami N na mandau pa fijus di Israel, nason disobdienti ku nega obin; elis ku se papes e lanta kontra mi te aos.

Ezekiel 24:3

Konta e pobu disobdienti un komparason, bu fala elis kuma SIÑOR Deus fala: Pui yagu na kasarola, bu finkal na fugu.

Ezekiel 29:16

Israel ka na ten konfiansa mas nelis, ma Ejitu na sedu lembransa pa elis di se pekadu, manera ke baiba si tras pa buska ajuda. Na ki tempu Israel na sibi kuma N sedu SIÑOR Deus.’ ”

Ezekiel 3:9

N na fasi bu rostu suma diamanti, mas forti di ki ki pedra mas duru di tudu. Ka bu medi elis, nin pa e pantandau ku se rostu, pabia e sedu pobu disobdienti.”

Oseias 11:6

Spada na kai riba di se prasas, i dana trinkus di se portons, i kaba ku pobu pabia e sigi se propi pensamentu.

Oseias 13:2

E na peka kada bias mas. E ta toma se prata, e kumpu imaẑens pa se kabesa; omis ku ten jitu ta kumpu ki idulus tudu bonitu. Jinti ta fala aserka delis: “Omis ku pursenta sakrifisius e ta beẑa idulus di baka.”

Oseias 7:13

Ai delis! E na kabadu ku el, pabia e yanda lunju di mi, e ravolta kontra mi. N misti liberta elis, ma e konta mintidas kontra mi.

Zakarias 4:6

I ruspundi i falan: “Es i palabra ku SIÑOR misti papia ku Zorobabel: ‘I ka ku forsa di gera nin ku violensia, ma i ku ña Spiritu.’ Asin ku SIÑOR ku ten tudu puder fala.

Numerus 32:14

“Abos tambi, rasa di jinti ku ta fasi mal, bo lanta na lugar di bo papes pa buri raiba di SIÑOR kontra Israel!

Romanus 2:5

Manera ku bu korson i duru, i ntemus, bu na buri raiba riba di bo na dia ku Deus na mostra si raiba ku si justu juisu.

Ripitison di Lei 29:19

Algin ku si korson sta disviadu, ora ki obi palabras de maldison, i ta njata na si korson, i fala: “N na ten pas, mesmu ku N kontinua na yanda na ña temusia ku camidera.” Ma es na tisi kastigu garandi.

Ripitison di Lei 9:24

Bo sedu rebeldi kontra SIÑOR disna di purmeru dia ku N kunsi bos.

Ripitison di Lei 9:7

Ba ta lembra de kusa; nunka ka bu diskisi del, manera ku bu pui SIÑOR bu Deus raiba na lala. Disna di ki dia ku bo sai di Ejitu tok bo ciga li ne lugar, bo sedu rebeldi pa SIÑOR.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

Josué 9:14

Asin omis di Israel toma utru di se kumida, sin pidi konsiju na SIÑOR.