Isaias 3:16 - BIBLIA - traduson antigu in Krioulo

¹⁶ SIÑOR torna fala mas: “Minjeris di Sion i orgulyosu, e ta yanda ku garganti yalsadu; e ta atrai omis ku se uju, e ta yanda ku pasus kurtu. E ta faja se pe ku kaskavelu.

Isaias 3:16 ပူးပေါင်းရင်းမြစ်များ

Ditus 16:18

Orgulyu ta tisi danu; yalsa kabesa i ta tisi kaida.

Ditus 21:4

Pa jubi riba ku korson di orgulyu i kanderu ku ta gia jinti mau na se pekadu.

Ditus 30:13

I ten jinti ku ta yalsa se kabesa, e pensa kuma e mas tudu jinti.

Kantiga di Salomon 3:11

Minjeris di Sion, bo sai, bo jubi rei Salomon, ku si koroa ku si mame pul na dia di si kasamenti, ki dia di kontentamentu di si korson.

Isaias 1:8

Prasa di Sion son ku fika, tudu tajadu, suma baraka na orta di uva, o suma kau di bisia na orta di pipinu.

Isaias 24:4

Tera na lati, i na seku; mundu na pirdi forsa, i na lati. Jinti mas altu di tera na pirdi forsa.

Isaias 3:1

SIÑOR, SIÑOR ku ten tudu puder, i na tira di Jerusalen ku Judá ki kusas ke ta nkuña nel, ku sedu tudu sustentu di pon ku tudu se yagu,

Isaias 3:17

SIÑOR na pui mpincu na kabesa di minjeris di Sion, i na pui pa e pirdi tudu se kabelu.”

Isaias 3:18

Na ki dia, SIÑOR na tira fajamentus di pe, kabesa, garganti,

Isaias 3:4

N na pui rapasis pa e sedu se ŝefis; mininus na guberna riba delis.

Isaias 4:4

SIÑOR na laba susidadi di minjeris di Sion ku spiritu di julgamentu ku fugu; i na limpa kulpa di sangi ku darmadu na Jerusalen.

Sofonias 3:11

Na ki dia bu ka na burguñu di nin un di kusas ku bu fasi, manera ku bu disobdisin, pabia N na tira na bu metadi kilis ku ta kontenti na se orgulyu. Nunka mas bu ka na yalsa ombra na ña monti sagradu.

Mateus 21:5

“Bo fala prasa di Sion: ‘Ali bu Rei na bin pa bo, mansu, montadu na un buru, montadu na fijusiñu di buru, animal di kargu.’ ”

Lukas 23:28

Jesus rabida pa elis i fala: “Minjeris di Jerusalen, ka bo cora pa mi. Bo cora pa bos propi, ku bo fijus,