Isaias 3:14 - BIBLIA - traduson antigu in Krioulo

¹⁴ SIÑOR toma palabra kontra garandis ku ŝefis di si pobu, i fala elis: “Abos ku kume fruta di orta di uva. Kil ku furtadu di koitadi i sta na bo kasas.

Isaias 3:14 ပူးပေါင်းရင်းမြစ်များ

Jo 22:4

“Nta i pabia di bu rispitu pa Deus ki ta raprindiu, i tisi keŝa kontra bo na justisa?

Jo 24:14

Mandrugada matadur ta lanta, i mata koitadis; di noti i ta bida suma ladron.

Jo 24:9

Omis mau ta rinka fiju pikininu na pitu di viuva, e ta toma fijus na mon di koitadi suma mpiñol.

Jo 34:23

Deus ka pirsisa pa omi lebadu si dianti pa justisa, pa i pudi jubil mas diritu.

Salmus 10:9

I ta monta si mboskada, suma lion na si koba; i ta sukundi pa paña koitadi; si i pañal, i ta rastal na si ridia.

Salmus 14:4

Nta kilis ku ta fasi pekadu e ka ntindi? E ta kume ña pobu suma jinti ta kume pon; e ka ta coma nomi di SIÑOR.

Salmus 143:2

Ka bu leba bu servu pa julgamentu, pabia na bu uju i ka ten kin ki justu na metadi di bibus.

Ditus 30:14

I ten jinti ku tene dintis suma spada, ku keŝada suma faka, pa kaba ku jinti ku sta na kansera, ku koitadis.

Isaias 10:1

Koitadi di kilis ku ta fasi leis ku ka justu, e skirbi ordis ku ta kansa jinti,

Isaias 10:2

pa tuji koitadi ngaña na justisa, pa tira diritus di kilis di ña pobu ku foronta, pa roba kusas di viuvas ku orfans.

Isaias 11:4

ma i na julga koitadis ku justisa; i na difindi diritu di jinti mansu na tera. Konformi si ordi, jinti na kastigadu, omis mau na matadu.

Isaias 14:30

Jinti mas koitadi di tudu e na dadu kusa di kume; kilis ku ten falta e na dita suguru, ma N na mata bu rais ku fomi; kilis ku sobra di bu jorson e na kabadu ku el.

Isaias 26:6

Koitadis ku kilis ku kalkadu e na yanda la, e masal.

Isaias 29:19

Mansus na ten garandi kontentamentu na SIÑOR. Koitadis na kontenti na Deus Santu di Israel.

Isaias 30:12

Ma Deus Santu di Israel fala: “Bo nega e palabra, bo nkuña na violensia ku nganu, bo fiansa nel.

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Isaias 58:4

Bo junjun ta kaba na jus ku gera, tok bo ta sukia ŋutru ku malvadesa. Ka bo fasi e koldadi junjun si bo misti pa bo fála obidu na seu.

Jeremias 12:10

Manga di ŝef dana ña orta di uva, e masa ña lugar. Ña lugar ku N gosta ciu del, e fasil lala,

Jeremias 5:27

Suma ku gaiola ta inci ku kacus, asin ku se kasas inci nganu. E ku manda e torna forti i riku.

Ezekiel 18:12

i ta kalka koitadi ku kil ku pirsisa; i ta furta; si algin mpiñal un kusa, i ka ta tornal el. I ta pui sintidu na idulus, i ta fasi kusas nujenti;

Ezekiel 20:35

N na leba bos pa “lala di nasons;” la ku N na julga bos, uju ku uju.

Ezekiel 20:36

Ami, SIÑOR Deus, N fala kuma, suma ku N julga bo papes na lala di Ejitu, asin ku N na julga bos.

Sirmonias 25:14

Si bo bindi terenu pa bo kumpañer, o bo kumpra na si mon, ka ningin splora si ermon.

Sirmonias 25:17

Ka ningin splora si kumpañer, ma bo ten rispitu pa bo Deus, pabia ami i SIÑOR bo Deus.

Amos 2:7

E ta masa kabesa di koitadis na reia di con; e ta tursi justisa di jinti mansu. Un omi ku si pape ta sta ku mesmu noiva, pa kontamina ña nomi sagradu.

Amos 4:1

“Bo sukuta e palabra, abos minjeris di monti di Samaria, ku taka suma bakas di Basan, ku ta kalka koitadis, ku ta molosta kilis ku ten falta, ku ta fala bo omis: ‘Bo tisi li, no bibi!’

Mikeias 2:1

Ai di kilis ku dita na se kamas, e pensa na mal, e fasi planus malvadu; ora ku sol mansi e ta pul na pratika, pabia forsa sta na se mon.

Mikeias 2:2

E ta kubisa lugaris, e toma elis ku forsa; e ta kubisa kasas, e toma elis. E ta fasi violensia, e roba omi si kasa, e toma si yardansa.

Mikeias 3:3

Bo ta kume karni di ña pobu, bo rinka elis peli, bo kebranta se os, bo ta rapati elis suma karni pa kasarola.

Mikeias 6:10

Nta jinti mau tene inda na se kasa rikesa ku ngañadu na tarpasa? E ta usa litru pikininu, kusa ku N nuju.

Mateus 21:33

“Bo sukuta utru komparason. Un omi ku teneba un orta i paranta pes di uva, i pui tapada di volta, i koba koba pa masa uva, i kumpu kasa altu pa bisiadur, i luga labraduris ki orta, i bai bias na utru tera.

Tiagu 2:6

ma abos bo lebsi koitadi. Nta i ka rikus ku na kalka bos, e na rasta bos pa tribunal?