Isaias 3:12 - BIBLIA - traduson antigu in Krioulo

¹² Mininus na kalka ña pobu; minjeris ku na guberna. A, ña pobu! Kilis ku na giau e na nganau, e na disviantau di kamiñu ku bu dibi di sigi.

Isaias 3:12 ပူးပေါင်းရင်းမြစ်များ

2 Reis 11:1

Oca ku Atâlia, mame di Akazias, oja kuma si fiju muri ja, i lanta, i kaba ku tudu familia di rei,

Jo 30:13

E dana ña rua; e bin kaba ku mi, sin ningin ka juda elis.

Ditus 28:16

Ŝef sin ntindimentu i ta buri kastigu riba di jinti, ma kil ku nega avaresa i ta manda manga di tempu.

Eklesiastis 10:16

Ai di ki tera ku tene mininu suma rei, ku si ŝefis ta mansi pa festa.

Isaias 19:14

SIÑOR darma na se metadi un spiritu di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura.

Isaias 3:4

N na pui rapasis pa e sedu se ŝefis; mininus na guberna riba delis.

Isaias 51:22

Asin ku SIÑOR bu Deus fala, bu Deus ku ta difindi pa si pobu: “Jubi, ki kopu ku ta pou singa-singa, N na tirau el na mon; nunka mas bu ka na bibi na ki kopu di ña raiba.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Mikeias 3:5

Asin ku SIÑOR fala: “Ki anunsiaduris na pui ña pobu pa e yara. Si algin da elis kusa di kume, e ta fala: ‘Pas!’ Ma si i ka miti elis nada na boka, e ta purpara gera kontra el.

Naun 3:13

Bu tropas sedu suma minjeris! Portons di bu tera sta abertu pa bu inimigus. Fugu na kaba ku bu trinkus.

Mateus 15:14

Bo disa elis; e sedu gias segu. Ora ku un segu gia utru segu, tudu dus ta kai na koba.”

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [