Isaias 28:7 - BIBLIA - traduson antigu in Krioulo

⁷ Mesmu saserdotis ku anunsiaduris na singa-singa pabia di biñu, e sta na kunfuson pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

Isaias 28:7 ပူးပေါင်းရင်းမြစ်များ

Salmus 107:27

E yanda, e singa-singa suma camiduris; se jitu ka bali elis nada.

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Ditus 23:30

I pa kilis ku ta tarda na bibi, ku ta yanda na buska bibida ku misturadu pa i sedu mas forti.

Eklesiastis 10:17

Sortiadu i ki tera ku si rei i fiju di garandis, ku tene ŝefis ku ta sinta na mesa na ora sertu, i ka pa cami ma pa ngaña forsa.

Isaias 19:14

SIÑOR darma na se metadi un spiritu di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura.

Isaias 22:13

Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume, no bibi, pabia amaña no na muri.”

Isaias 24:2

Kil ku pasa ku pobu na pasa ku saserdoti; servu na sedu suma si patron, bajuda suma si mestra, kumpradur suma kil ku ta bindi, kil ku pista suma algin ku pistadu, kil ku kobra juru suma kil ku pagal.

Isaias 24:20

Mundu na singa-singa suma algin ku cami, i na balansa suma baraka na bentu. Si pekadu na pesa riba del; i na kai; nunka mas i ka na lanta.

Isaias 28:1

Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

Isaias 29:11

Asin, pa bos, tudu vison i suma palabras di un libru seladu. Si bu dal pa algin ku sibi lei, bu falal: “Lei de e libru,” i ta fala: “N ka pudi pabia i sta seladu.”

Isaias 3:12

Mininus na kalka ña pobu; minjeris ku na guberna. A, ña pobu! Kilis ku na giau e na nganau, e na disviantau di kamiñu ku bu dibi di sigi.

Isaias 43:27

Bu purmeru pape peka; kilis ku na papia pa bo e yaran.

Isaias 5:11

Ai di kilis ku ta mandurga, e pega na bibi te di noti, tok biñu na kenta elis kurpu!

Isaias 5:22

Ai di kilis ku sedu ŝef di bibiduris, ku sedu forti pa jagasi bibida!

Isaias 5:23

Pa suku di bas e ta da kulpadu roson; justu, e ta nega dal roson.

Jeremias 14:14

SIÑOR falan: “Ki anunsiaduris na anunsia mintida na ña nomi; nunka N ka manda elis, nin N ka da elis ordi, ku fadi pa N papia ku elis. Se visons ka bin di mi. E na fala kuma asin ku ’sin ku na sedu, ma se anunsius ka bali; e sai son di se pensamentus.

Jeremias 23:13

“Na anunsiaduris di Samaria N oja kusa nujenti: e anunsia na nomi di Baal, e pui ña pobu Israel disvia.

Jeremias 23:16

SIÑOR ku ten tudu puder fala: “Ka bo sukuta palabra di anunsiaduris ku na anunsia na bo metadi; e na inci bos speransa di mintida. E ta fala di visons di se pensamentu ku ka bin di boka di SIÑOR.

Miskiñu di Jeremias 2:4

I pruntia si mansasa suma inimigu, si mon direita sta pruntu; suma algin ku sta kontra nos, i mata tudu ku seduba bonitu. I darma si raiba suma fugu na moradas di pobu di Sion.

Ezekiel 13:7

Nta bo ka oja vison falsu, bo ka konta adiviña di mintida oca ku bo fala: “Asin ku SIÑOR fala”, nkuantu nada N ka fala?

Ezekiel 44:21

Nin un saserdoti ka na bibi biñu ora ki na yentra na kintal di dentru.

Oseias 7:5

Na dia di festa di no rei, kabesa di ŝefis kumsa na yardi pabia di forsa di biñu; rei junta mon ku kilis ku na fasi trosa.

Mikeias 2:11

“Si algin munturus ku tene spiritu di nganu fala: ‘Ami N na anunsia kuma biñu ku bibida forti na ciu,’ es i na sedu anunsiadur ku e pobu misti.

Abakuk 2:15

“Ai di kil ku ta da bibida pa si kumpañer! Abo ku ta cigantal bu garafa tok i cami, pa bu pudi oja si kurpu nun,

Abakuk 2:16

abo propi bu na inci borgoña, bu na pirdi bu rispitu. Bibi, abo tambi, tok bu mbala. Kopu di kastigu na mon direita di SIÑOR i na bin pa bo; ramasadura di borgoña na kai riba di bu gloria.

Mateus 24:29

“Dipus di ki dias di foronta, sol na bida sukuru, lua ka na da si lus, strelas na kai di seu, puderis di seu na bulbulidu.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

Efésius 5:28

Asin ku omi dibi di ama si minjer suma si kurpu propi. Kin ku ama si minjer, i ama si kabesa.