Isaias 28:4 - BIBLIA - traduson antigu in Krioulo

⁴ Gloria di ki ŝefis orgulyosu na disparsi suma flor; i na sedu suma figu ku kusidu purmeru, antis di kebur; si algin ojal, i ta toma, i nguli.

Isaias 28:4 ပူးပေါင်းရင်းမြစ်များ

Isaias 28:1

Koitadi di renu di Efrain! Si gloria na kaba suma floris di ki koroas ku sta na kabesa di se ŝefis camidu. E ta unta se kabesa orgulyosu ku purfumu, ma e foga ku biñu na rua.

Isaias 8:4

Antis di mininu sibi fala ‘Papa’ o ‘Mama,’ rei di Asiria na leba rikesas di Damasku ku kusas ki na oja pa roba na Samaria.”

Oseias 13:1

Na ki tempu, ora ku Efrain papia, jinti ta tirmi; i seduba garandi na Israel, ma i bin kumsa adora Baal, i fika kulpadu, i muri.

Oseias 13:15

Mesmu ki padi frutu na metadi di si ermons, bentu na bin di lesti, bentu di SIÑOR, ku sai na lala; si fonti ku si uju di fonti na seku. Ki bentu na leba tudu kusas di balur di armazen.

Oseias 6:4

SIÑOR punta: “Ke ku N na fasi ku bo, Efrain? Judá, ke ku N na fasi ku bo? Bo amor i suma nuven di parmaña, i suma serenu di mandrugada ku ta pasa sedu.

Oseias 9:16

Efrain i suma planta ku tene duensa; si rais seku; i ka na padi frutu. Mesmu ke bin padi, N na mata ki fijus ke ama ciu.”

Mikeias 7:1

Ai di mi! N sedu suma algin ku misti kuji fruta kusidu, oca ku jinti kuji ja uvas. I ka ten nin un kacu di uvas pa kume, nin ki figu nobu ku N na faima pa el.

Naun 3:12

Bu kaus forti na sedu suma pe di figu maduru; si i sakudidu, figus na kai na boka di kil ku na kume elis.

Apokalipsi 6:13

Strelas di seu kai na tera, suma ora ku bentu forti bulbuli figera, si fijus verdi konkoñi.