Isaias 28:29 - BIBLIA - traduson antigu in Krioulo

²⁹ Es i bin di SIÑOR ku ten tudu puder, ku ta fasi planus maravilyosu ku kusas garandi.

Isaias 28:29 ပူးပေါင်းရင်းမြစ်များ

Jo 37:23

Deus ku ten tudu puder, no ka pudi yangasal. El i garandi na puder; i ka ta kalka ningin na si justisa; i ta fasi tudu diritu.

Jo 5:9

El i ta fasi kusas garandi ku no ka pudi ntindi, ku milagris ciu ku no ka pudi konta.

Salmus 118:23

es i kusa ku SIÑOR fasi, ku no oja, no dimira.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 92:5

SIÑOR, kusas ku bu fasi i garandi; bu pensamentus i fundu dimas.

Salmus 92:6

Brutu ka ta sibi e kusa; tulu ka ta ntindil,

Ditus 8:14

Konsiju ku jiresa i di mi; N ten ntindimentu ku forsa.

Isaias 28:28

Arus ta piladu pa i foriñadu, ma jinti ka ta kontinua na masal son, nin e ka ta pilal ku roda di karu nin ku pe di boi.

Isaias 31:2

SIÑOR i jiru, i na pui mal pa i bin; i ka na maina fasi kil ki fala. I na lanta kontra jinti ku ta fasi mal, ku kilis ku ta juda elis.

Isaias 41:20

pa tudu jinti oja, e sibi, e pensa, e ntindi kuma, i mon di SIÑOR ku fasi e kusa; i Deus Santu di Israel ku pui pa i sedu.”

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Romanus 11:33

O fundura di rikesa di jiresa di Deus, ku si kuñisimentu! Kin ku pudi splika kusas ki disidi? Kin ku pudi ntindi si planu?