Isaias 28:19 - BIBLIA - traduson antigu in Krioulo

¹⁹ Sempri ki pasa, i na rabata bos, pabia i na pasa kada parmaña, di dia ku di noti.” Son pa obi e noba i na tisi garandi foronta.

Isaias 28:19 ပူးပေါင်းရင်းမြစ်များ

2 Reis 17:6

Na nonu anu di renansa di Oseias, rei di Asiria toma Samaria, i leba pobu di Israel pa Asiria, i pui pa e mora na Ala, ku Gozan, lungu di riu Abor; i pui utrus na prasas di Media.

2 Reis 18:13

Na anu 14 di renansa di Ezekias, Senakerib, rei di Asiria, ataka tudu prasas fortifikadu di Judá, i toma elis.

2 Reis 21:12

E ku manda ami, SIÑOR Deus di Israel, N fala kuma N na tisi mal riba di Jerusalen ku Judá, di manera ku kualker algin ku obi del, i ta sinti ŝokadu.

2 Reis 24:2

SIÑOR manda kontra el tropas di Babilonia, di sirianus, moabitas ku fijus di Amon; i manda elis kontra Judá pa kaba ku el, konformi palabra ku SIÑOR falaba na boka di si servus anunsiaduris.

Jo 18:11

Kusas meduñu na pantandal na tudu ladu, e na serkal na tudu kau ki kuri pa el.

Jo 24:17

Pa elis tudu, parmaña i suma sombra di mortu, ma e ta fasi kamaradia ku kusas meduñu di di noti.

Jo 41:9

Ningin ka ten speransa di ngañal. Si i ojal son, i ta pirdi forsa!

Jo 6:4

Fleŝas di Deus ku ten tudu puder sta na mi; ña spiritu na bibi se venenu. Forontas meduñu di Deus e juntadu kontra mi.

Salmus 55:4

Ña korson na tirmi, i na bati; medu di mortu kai riba di mi.

Salmus 88:15

Disna di ocan rapas N sufri ciu, N sta kuas pa muri. Ora ku N sufri bu kastigu meduñu, N ta fika tarpajadu.

Isaias 33:7

Jubi, omis di koraẑen na grita la fora; mbaŝaduris di pas e na cora ku dur.

Isaias 36:22

Eliakin, fiju di Ilkias, nkargadu di kasa di rei, Sebna ku sedu sekretariu, ku Joá, fiju di Asaf, ku ta skirbi storia di renu, e rumpi se ropa, e bai pa Ezekias, e kontal tudu ku Rabsaké fala.

Isaias 37:3

pa e falal kuma asin ku Ezekias fala: “Aos i dia di kasabi; jinti na njutinu, e na kobanu mal. No sta suma minjer ku sta di partu, ma i ka ten forsa pa padi.

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Jeremias 19:3

bu fala: ‘Abos reis di Judá ku pobu di Jerusalen, bo obi palabra di SIÑOR. Asin ku SIÑOR ku ten tudu puder, Deus di Israel, fala: Jubi, N na tisi un garandi mal riba de kau, ku tudu algin ku obil, si oreja na pupa.

Jeremias 4:5

Bo anunsia na Judá, bo pui pa Jerusalen obi, bo fala: “Bo toka korneta na tera!” Bo grita ku vos altu, bo fala: “Bo junta pa no yentra na prasas forti.”

Jeremias 4:9

SIÑOR fala: “Na ki dia rei ku ŝefis na pirdi koraẑen, saserdotis na fika spantadu, anunsiaduris na fika mudu.”

Jeremias 6:24

Pobu fala: “Dipus ku no obi se noba, no mon moli. Foronta toma konta di nos; no sinti dur suma minjer ku sta di partu.

Miskiñu di Jeremias 2:22

“Manera ku bu ta coma jinti pa mati festival, asin ku bu coma kontra mi, di tudu ladu, kusas ku N medi. I ka tenba kin ku kapli o ku fika na dia di raiba di SIÑOR. Kilis ku N kriaba, N ama, ña inimigu kaba ku elis.”

Daniel 7:28

Asin ku ña vison kaba. Ami, Daniel, ña pensamentus pantandanba ciu, tok ña rostu muda, ma N guarda e kusas tudu dentru di ña korson.

Daniel 8:27

Ami, Daniel, N pirdi forsa, N fika duenti pa puku dia. Dipus N lanta, N fasi tarbaju di rei. N fikaba ku spantu ku ki vison; i ka tenba algin ku na splikan el.

Abakuk 3:16

N obi ki kusa; ña korson bati. N obi si baruju; ña boka tirmi. N staba suma ña os na podrisiba; ña pernas na tirmiba. Ma N na diskansa, N na pera dia di kastigu pa i bin riba di pobu ku na bin kontra nos.

1 Samuel 3:11

SIÑOR fala Samuel: “Ali N na bin fasi un kusa na Israel; tudu kin ku obil, i na dimira tok si oreja na pupa, tudu dus.