Isaias 28:12 - BIBLIA - traduson antigu in Krioulo

¹² i fala elis: “Es i kau di diskansu; bo disa kin ku kansa pa i diskansa; es ki aliviu di bardadi.” Ma e ka seta obi.

Isaias 28:12 ပူးပေါင်းရင်းမြစ်များ

2 Kronikas 14:11

Asa klama pa SIÑOR si Deus, i fala: “O SIÑOR, juda i ka nada pa bo; bu pudi juda kil ku ten forsa suma kil ku ka ten. O SIÑOR no Deus, judanu, pabia no fiansa na bo; i na bu nomi ku no bin kontra e manga di jinti. SIÑOR, abo i no Deus; ka bu disa omi pa i ngañau.”

Isaias 11:10

Dia na ciga ku rei ku na sai na jorson di Jesé na firma suma bandera pa nasons; e na kuri juntu pa el; lugar di si morada na sedu gloriosu.

Isaias 29:12

O si bu dal pa algin ku ka sibi lei, bu falal: “Lei de e libru,” i na ruspundi: “N ka sibi lei.”

Isaias 30:15

Asin ku SIÑOR Deus, Deus Santu di Israel, fala: “Bo konverti, bo diskansa; bo ta sedu salbu. Si bo susega, bo fiansa na mi, bo ta ten forsa,” ma bo ka misti kila.

Isaias 32:17

Manera ku jinti na yanda na justisa ku retidon, pas, diskansu ku suguransa na ten pa sempri.

Isaias 32:18

Ña pobu na mora na moransa di pas, na kasas ben suguru, na kau ketu di diskansu,

Jeremias 44:16

“No ka na obi ki palabra ku bu kontanu na nomi di SIÑOR.

Jeremias 6:16

SIÑOR fala si pobu: “Bo bai firma na ntronkamentu, bo jubi, bo buska kamiñu antigu, bo punta kal ki bon kamiñu, bo yanda nel; asin bo ta oja diskansu pa bo vidas.” Ma e fala: “No ka na yanda nel.”

Zakarias 7:11

Ma elis, e ka mistiba obi, e ntema, e dan kosta, e tapa se orejas.

Zakarias 7:14

“N pajiga elis ku garandi turbada na metadi di tudu nasons ke ka kunsiba; tera ke fika tras i dana tok ningin ka pudi pasa la pa kualker ladu. Asin ke fasi ki tera bonitu torna lala.”

Ebreus 12:25

Bo toma sintidu pa ka bo nega obi kil ku na papia. Kilis ku nega obi vos ku na papia ku elis na tera e ka kapli kastigu; ku fadi anos, si no da kosta pa kil ku na papia ku nos la na seu.