Isaias 27:9 - BIBLIA - traduson antigu in Krioulo

⁹ Purdon di pekadu di Israel i na sedu ora ku Israel tira si propi pekadu. I na purdadu ora ki fasi tudu pedras di si altaris suma padas pikininu di jis; ki idulus di Aserá ku altaris di nsensu e ka pudi fika di pe.

Isaias 27:9 ပူးပေါင်းရင်းမြစ်များ

2 Reis 10:26

e tira statuas fora, e kema elis.

2 Reis 23:14

I kebra statuas, i tira idulus di Aserá, i inci kau ke staba nel ku os di jinti.

2 Reis 25:9

i kema kasa di SIÑOR, kasa di rei, ku tudu kasas di Jerusalen. Kasas importanti kemadu tudu.

2 Kronikas 14:5

I tira tambi kaus altu ku altaris di nsensu di tudu prasas di Judá. Bas del tera staba susegadu.

2 Kronikas 34:4

Jintis bati altaris di Baal si dianti, e padasa-padasa altaris di nsensu ku staba riba delis. Ki idulus di Aserá, ku imaẑens labradu ku kilis di metal fundidu, i kebra-kebra elis tok e bida puera, i wagal riba di kobas di kilis ku ta roniaba elis.

2 Kronikas 36:19

E kema kasa di SIÑOR, e bati muras di Jerusalen, e kema tudu palasius ku fugu, e dana tudu kusas di balur.

Salmus 119:67

Antis di N kastigadu, N ta yandaba mal, ma gosi N ta obdisi bu palabra.

Salmus 119:71

I bon manera ku N kastigadu, pa N pudi nsina bu regras.

Saida 34:13

Bo na kebra se altaris, bo na dana se statuas, bo na tira idulus di Aserá.

Ditus 20:30

Caga ku dur ta serka maldadi na algin; suti ta limpa te dentru di korson.

Isaias 1:29

Bo na burguñu pabia di ki po sagradu ku bo gostaba del; bo na kunfundidu pabia di jardins ku bo kuji suma kau sagradu.

Isaias 17:8

I ka na jubi pa altaris ki kumpu ku si mon, nin i ka na pui sintidu na idulus di Aserá nin na altaris di nsensu ku el propi i kumpu.

Isaias 30:22

Bu idulus labradu, ku kubridu ku prata, ku bu imaẑens fundidu di uru, bu na tene elis suma kusa nujenti, bu bota elis fora suma panu susu, bu fala elis: “Bo sai di li!”

Isaias 4:4

SIÑOR na laba susidadi di minjeris di Sion ku spiritu di julgamentu ku fugu; i na limpa kulpa di sangi ku darmadu na Jerusalen.

Isaias 40:2

Bo papia ku bondadi pa Jerusalen, bo kontal klaru kuma kastigu di si maldadi i kaba ja, kuma pres di mal ki fasi i pagadu ja; tambi i risibi di mon di SIÑOR dus bias mas pa tudu si pekadu.”

Isaias 48:10

Jubi kuma ku N purifikau, ma i ka suma prata; N probau na furnu di foronta.

Ezekiel 11:18

“E na riba pa la, e na tira na tera tudu se idulus ku kusas nujenti.

Ezekiel 20:38

N na libra bos di disobdientis ku kilis ku lanta kontra mi; N na tira elis na tera ke mora nel, ma pa tera di Israel e ka na riba. Bo na sibi kuma ami i SIÑOR.

Ezekiel 6:4

Bo altaris na kabadu ku el; bo altaris di nsensu na kebradu. Bo jinti ku matadu ku spada, N na bota elis dianti di bo idulus.

Daniel 11:35

Utru di ki jirus na kai pa e probadu, e purifikadu, pa e bida sin manca, te na kabantada di tempu, pabia i na bin sedu na tempu markadu.

Oseias 14:8

Efrain na punta: ‘Ke ku N ten mas ku idulus?’ Ami N obi si orason, N na toma konta del. Ami i suma piñeru, sempri verdi; si frutu ta ojadu na mi.”

Sirmonias 26:30

N na dana bo altaris na montis, N na kaba ku bo altaris di nsensu, N na bota bo difuntus riba di kurpus di bo idulus ku ka tene vida; N na nfastia bos.

Mikeias 5:11

N na kaba ku prasas di bu tera, N na bati tudu bu kaus forti na con.

Zakarias 13:2

SIÑOR ku ten tudu puder fala: “Na ki dia N na tira di tera nomis di idulus; e ka na lembradu mas. Tambi N na tira anunsiaduris di tera, ku spiritu di impuresa.

Romanus 11:27

Es i ta sedu ña kontratu ku elis ora ku N tira se pekadu.”

1 Koríntius 11:32

Ora ku Siñor na julganu, i na disiplinanu pa ka no bin julgadu ku kilis di mundu.

Ripitison di Lei 12:3

Bo na durba se altaris, bo kebra se kulunas sagradu, bo kema se idulus di Aserá na fugu, bo bati tambi imaẑens labradu di se deusis, pa se nomi ka comadu mas na ki kau.

Ebreus 12:6

pabia Siñor ta disiplina kil ki ama. Tudu kil ki coma suma si fiju, i ta sutal.”