Isaias 26:9 - BIBLIA - traduson antigu in Krioulo

⁹ Di noti N ta dijau di korson; parmaña sedu N ta buskau di spiritu. Ora ku bu julga mundu, jinti ku mora nel na nsina yanda diritu.

Isaias 26:9 ပူးပေါင်းရင်းမြစ်များ

1 Kronikas 16:14

El i SIÑOR no Deus; si julgamentus sta na tudu parti di mundu.

Salmus 105:7

El i SIÑOR no Deus; si julgamentus e sta na tudu parti di mundu.

Salmus 119:55

N lembra di bu nomi duranti noti, o SIÑOR; N obdisi bu lei.

Salmus 119:62

Me-noti N ta lanta pa gardisiu pabia di bu leis justu.

Salmus 130:6

N na pera SIÑOR ku mas diseẑu di ki guarda ku na pera sol pa i mansi, sin, mas di ki guarda ku na pera sol pa i mansi.

Salmus 58:11

Jinti na fala: “Na bardadi, justu ten si pagamentu; sin duvida i ten un Deus ku ta julga mundu.”

Salmus 63:1

O Deus, abo i ña Deus; N na lanta sedu pa buskau. N tene sedi di bo; ña kurpu dijau ciu na un tera seku, kansadu, ku ka tene yagu,

Salmus 63:5

Ña alma farta, suma algin ku farta kumida gurdu; asin ña boka na ngabau ku kontentamentu

Salmus 64:9

Tudu omis na ten medu, e na anunsia tarbaju di Deus, e na pensa diritu na kil ku Deus fasi.

Salmus 78:34

Ora ki mata utrus, ki utrus ta ripindiba, e riba, e buska Deus ku mpeñu, di mandrugada.

Salmus 83:18

Pui pa e sibi kuma i abo son ku tene nomi di SIÑOR, bu sedu Deus ku ta rena riba di tudu mundu.

Ditus 8:17

N ama kilis ku aman; kilis ku buskan parmaña sedu e na ojan.

Isaias 27:9

Purdon di pekadu di Israel i na sedu ora ku Israel tira si propi pekadu. I na purdadu ora ki fasi tudu pedras di si altaris suma padas pikininu di jis; ki idulus di Aserá ku altaris di nsensu e ka pudi fika di pe.

Isaias 50:10

Kin na bo metadi ku ta rispita SIÑOR, i ta obdisi si servu? Ora ki na yanda na sukuru, i ka ten nin un bokadiñu di klaridadi, pa i fiansa na nomi di SIÑOR, i nkuña tesu na si Deus.

Isaias 55:6

Bo buska SIÑOR nkuantu i pudi ojadu, bo comal nkuantu i sta pertu.

Miskiñu di Jeremias 2:19

Lanta manga di bias di noti, bu coma SIÑOR. Konta SIÑOR tudu ku sta na bu korson; tiral suma korenti di yagu. Yalsa bu mon pa el pa vida di bu fijus pikininu ku na dismaja ku fomi na entrada di tudu ruas di prasa.

Miskiñu di Jeremias 3:25

SIÑOR i bon pa kilis ku spera nel, pa ki algin ku na buskal.

Ezekiel 5:15

Ora ku N paña raiba tok i na yardi na mi, N julgau ku kastigus forti, i na sedu lison meduñu pa nasons ku sta na bu roda. E na jubiu ku trosa e nuju bo. I ami, SIÑOR, ku fala.

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Mateus 6:33

Purmeru kusa, bo buska renu di Deus, bo yanda diritu si dianti; asin, tudu e utru kusas, bo ta bin dadu el.

Markus 1:35

Parmaña sedu, oca kau sukuru inda, Jesus lanta, i sai, i bai pa un lugar dingidu fora di tabanka pa fasi orason.

Lukas 6:12

Na ki tempu Jesus subi na monti pa bai ora; i pasa noti ntidu na orason pa Deus.

Apokalipsi 11:13

Na ki mesmu ora con tirmi ku forsa; desimu parti di prasa kai. Ku ki tirmidura di con seti mil jinti muri. Kilis ku fika e medi tok e da gloria pa Deus di seu.