Isaias 26:21 - BIBLIA - traduson antigu in Krioulo

²¹ Jubi, SIÑOR na bin sai na si lugar pa kastiga moraduris di mundu pa se pekadus. Con na tira sangi ku darmadu nel; i ka na sukundi mas kilis ku matadu.

Isaias 26:21 ပူးပေါင်းရင်းမြစ်များ

Jo 16:18

“O Con! Ka bu kubri ña sangi; ka bu da ña gritu kau di sukundi!

Jo 20:27

Seu na mostra si maldadi; con na lanta kontra el.

Isaias 10:3

Ma ke ku bo na fasi na dia di da konta, ora ku kastigu na bin di lunju? Pa kin ku bo na kuri pa oca sakur? Nunde ku bo na disa bo rikesa?

Isaias 13:11

N na kastiga mundu pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyu di jinti ku ta manda ku forsa.

Isaias 18:4

SIÑOR papia ku mi i falan: “Ora ku N na jubi di ña morada, N na sta ketu, suma kalur di sol ku na lampra, suma serenu ku ta forma na kalur di tempu di kebur.

Isaias 22:14

SIÑOR ku ten tudu puder papia na ña oreja, i fala: “Na bardadi e maldadi ka na purdadu te na dia ku bo muri.” Asin ku SIÑOR Deus ku ten tudu puder fala.

Isaias 29:6

SIÑOR ku ten tudu puder na bin ku turbada, tirmidura di con, garandi baruju, turbada di bentu forti, ku lingua di fugu ku ta kema tudu.

Isaias 65:6

“Jubi, i sta skritu ña dianti; N ka na kala, ma N na paga; N na torna vingansa tudu

Isaias 65:7

pa bo pekadus, tudu ku pekadus di bo papes, ku kema nsensu na montañas, e koban na montis pikininu. E ku manda N na midi pa paga elis konformi ki kusas ke tarda fasi.” I SIÑOR ku fala.

Isaias 66:6

Sinti garandi baruju ku na bin di prasa, ki turmenta na ladu di templu! Kila i SIÑOR ku na paga si inimigus ke ke mersi.

Ezekiel 8:6

I puntan: “Fiju di omi, bu oja ke ke na fasi? Bu oja e garandi kusas nujenti ku pobu di Israel na fasi li, pa lunjusin di ña kau sagradu? Bu na oja kusas inda mas nujenti.”

Lukas 11:40

Tulus, nta kil ku fasi di fora, i ka fasi tambi di dentru?

Lukas 11:50

De manera li Deus na pidi jinti di aos konta di sangi di tudu anunsiaduris ku matadu disna di kumsada di mundu,

Apokalipsi 16:6

Suma ke darma sangi di bu pobu ku di anunsiaduris, bu da elis tambi sangi pa e bibi. I justa elis propi!”

Apokalipsi 18:24

Sangi di anunsiaduris ku pobu di Deus, ku tudu kilis ku matadu na tera, i sta riba de prasa.”