Isaias 26:16 - BIBLIA - traduson antigu in Krioulo

¹⁶ SIÑOR, e buskau na foronta oca ku bu kuriẑi elis; e tira tudu se orason ku vos pikininu.

Isaias 26:16 ပူးပေါင်းရင်းမြစ်များ

Salmus 142:2

N pui ña keŝa si dianti, N kontal tudu ña kasabi.

Salmus 27:8

Oca ku bu fala: “Bo buska ña rostu,” ña korson falau: “SIÑOR, N na buskau.”

Salmus 42:4

N ta sinti ña korson na kebra ora ku N lembra manera ku N ta baiba ku manga di jinti pa kasa di Deus, oca ku N ta kantaba ku kontentamentu pa ngaba Deus, na metadi di manga di jinti ku na baiba festival.

Salmus 50:15

Coman na dia di foronta; N na librau; bu na glorifikan.”

Salmus 77:3

N bin lembra di Deus, N fika N na jimi; N dita N pensa, N mas fika disanimadu.

Salmus 78:34

Ora ki mata utrus, ki utrus ta ripindiba, e riba, e buska Deus ku mpeñu, di mandrugada.

Salmus 91:15

I na coman, N na kudil. N na sta ku el na foronta, N na libral, N dal rispitu dianti di jinti.

Isaias 37:3

pa e falal kuma asin ku Ezekias fala: “Aos i dia di kasabi; jinti na njutinu, e na kobanu mal. No sta suma minjer ku sta di partu, ma i ka ten forsa pa padi.

Jeremias 2:27

E ta fala po: ‘Abo ki ña pape;’ e ta fala pedra: ‘Abo ku padin.’ E dan kosta, e ka ta jubi pa mi, ma ora ke foronta, e ta falan: ‘Lanta bu judanu.’

Jeremias 22:23

Abo ku mora sabi na palasiu di sedru, ku tisidu di tera di Líbanu, bu na jimi ku forsa ora ku dur bin pa bo, ku foronta suma minjer na partu.”

Jeremias 29:12

Dipus bo na coman, bo na ba ta papia ku mi; N ta obi bos.

Miskiñu di Jeremias 2:19

Lanta manga di bias di noti, bu coma SIÑOR. Konta SIÑOR tudu ku sta na bu korson; tiral suma korenti di yagu. Yalsa bu mon pa el pa vida di bu fijus pikininu ku na dismaja ku fomi na entrada di tudu ruas di prasa.

Oseias 5:15

N na riba pa ña lugar, te dia ke rikuñisi se kulpa, e buskan. Na se foronta e na lanta mandrugada pa buskan.”

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Numerus 21:7

Pobu bai pa Moisés, e falal: “No peka, manera ku no papia kontra SIÑOR, tambi kontra bo. Ora, pa SIÑOR pudi tiranu e kobras.” Asin Moisés ora pa pobu.

Apokalipsi 3:19

N ta raprindi, N ta kastiga tudu jinti ku N ama. Asin, pui garandi sintidu, bu ripindi.

Ŝefis 10:15

Fijus di Israel fala SIÑOR: “No peka; fasinu suma ku bu misti, ma no pidiu, ten pasensa, bu libranu aos.”

1 Samuel 1:15

Ana ruspundi i falal: “Nau Siñor, N ka cami. Ami i un minjer ku sta tristi dimas. N ka bibi nin biñu nin bibida forti, ma N darma ña korson dianti di SIÑOR.