Isaias 26:14 - BIBLIA - traduson antigu in Krioulo

¹⁴ Elis e muri ja, e ka na torna bibu; se spiritus ka na torna riba pa tera. Asin bu kastiga elis, bu kaba ku elis, bu pui pa e ka lembradu mas.

Isaias 26:14 ပူးပေါင်းရင်းမြစ်များ

Jo 18:17

Si lembransa na pirdi na mundu; i ka na tene nomi na prasas.

Jo 24:20

Mame na diskisi del; bicus na kumel ku gustu; nunka mas i ka na lembradu. Suma arvuri ta kortadu, asin ku omi mau na kortadu.

Jo 7:9

Suma ku nuven ta disparsi i bai, asin ku difuntu ku ta bai pa koba i ka ta riba.

Salmus 106:28

Dipus, e bai junta ku Baal-Peor, e kume karni ku roniadu pa deusis ku ka tene vida.

Salmus 109:13

Pa si jorson kortadu, pa i diskisidu na tempu di si fijus.

Salmus 135:17

e tene orejas, ma e ka ta obi; e ka pudi da folgu.

Salmus 36:12

Jubi manera ku jinti mau kai, tok e dita, e ka pudi lanta!

Salmus 59:5

SIÑOR, Deus ku ten tudu puder, Deus di Israel, disperta pa kastiga tudu nasons; Ka bu ten pena di nin un di falsiaduris ku ta fasi mal. Sela

Salmus 9:6

Inimigus kabadu ku el di un bias; bu dana se prasas; e pirdi, tudu ku se lembransa.

Saida 14:30

Asin ku SIÑOR salba Israel na ki dia na mon di ejipsius. Fijus di Israel oja difuntus di ejipsius na praia di mar.

Ditus 10:7

Lembransa di bon jinti na bensuadu, ma nomi di jinti mau na podri.

Eklesiastis 9:5

Jinti bibu sibi kuma e na muri, ma kilis ku muri ja e ka sibi nada, nin e ka na risibi mas pagamentu, ma se lembransa i diskisidu.

Isaias 10:3

Ma ke ku bo na fasi na dia di da konta, ora ku kastigu na bin di lunju? Pa kin ku bo na kuri pa oca sakur? Nunde ku bo na disa bo rikesa?

Isaias 26:19

Bu mortus na bibu, se kurpus na lanta. Abos ku mora na reia, bo disperta, bo grita ku kontentamentu, pabia bu serenu na sedu suma serenu ku ta arnoba paja. Con na da vida pa ki difuntus ku sta nel.

Isaias 29:6

SIÑOR ku ten tudu puder na bin ku turbada, tirmidura di con, garandi baruju, turbada di bentu forti, ku lingua di fugu ku ta kema tudu.

Isaias 37:19

E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

Isaias 8:19

Jinti pudi fala bos pa bo bai punta diviñaduris ku jinti ku ta papia ku mortus, ku ta subia suma kacus o e bulbuli boka suma e na papia. Nta jinti ka dibi di punta se Deus? Mortus ta puntadu pa fabur di bibus?

Mateus 2:20

i falal: “Lanta, bu toma mininu ku si mame, bu riba pa tera di Israel, pabia kilis ku na buskaba mininu pa mata e muri ja.”

Ripitison di Lei 4:28

La bo na adora deusis di madera ku di pedra ku omis kumpu, ku ka ta oja, nin e ka ta obi, nin kume nin sinti ceru.

Apokalipsi 20:5

ma utru mortus ka torna bibu tok mil anu kompleta. Es i purmeru resureison.