Isaias 25:1 - BIBLIA - traduson antigu in Krioulo

¹ O SIÑOR, abo i ña Deus; N na garandisiu, N na ngaba bu nomi, pabia bu fasi kusas di dimira. Bu sedu fiel pa kumpri planus ku bu fasi na tempu antigu; e ka pudi maina.

Isaias 25:1 ပူးပေါင်းရင်းမြစ်များ

Salmus 111:4

I ta pui kusas garandi ki fasi pa e lembradu. SIÑOR i bon, i ta sinti pena.

Salmus 118:28

Abo i ña Deus, N na gardisiu; abo i ña Deus, N na garandisiu.

Salmus 145:1

O Deus ña Rei, N na garandisiu; N na fala ben di bu nomi pa tudu sempri.

Salmus 146:2

N na ngaba SIÑOR tudu ña vida; N na kanta pa ngaba ña Deus nkuantu N sta bibu.

Salmus 31:15

Ña tempu sta na bu mon; libran na mon di ña inimigus ku kilis ku na pirsigin.

Salmus 40:5

SIÑOR ña Deus, kusas garandi ku bu fasi pa nos i ciu dimas. I ka ten ningin suma bo! Tambi bu tene planus pa nos; N mistiba papia pa anunsia aserka delis, ma e ciu dimas pa konta.

Salmus 40:6

Bu ka misti sakrifisiu ku oferta; bu ka pirsisa di oferta kemadu nin sakrifisiu pa purdon di pekadu, ma bu yabrin oreja.

Salmus 46:10

I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

Salmus 75:2

Bu fala: “N marka un tempu pa julgamentu; N na julga ku justisa.

Salmus 78:4

no ka na sukundi elis di se fijus, ma no na nsina fijus di futuru pa e ngaba SIÑOR, no konta elis di si puder ku milagris ki fasi.

Salmus 89:1

N na kanta sempri bondadi di SIÑOR; ku ña boka N na pui tudu jorsons di futuru pa e sibi kuma abo i fiel.

Salmus 98:1

Bo kanta un kantiga nobu pa SIÑOR, pabia i fasi maravilyas; Si mon direita ku si brasu santu ngañal vitoria.

Salmus 99:5

Bo garandisi SIÑOR no Deus, bo mpina dianti di tapeti di si pe, pabia el i santu.

Saida 15:2

SIÑOR i ña forsa, i ña kantiga; El i bin sedu ña Salbadur. El ki ña Deus; asin N na ngabal. El i Deus di ña pape; N na garandisil.

Isaias 11:5

I na guberna si pobu ku justisa ku bardadi.

Isaias 12:1

Na ki dia bu na fala: “O SIÑOR, N falau obrigadu. Bu tenba raiba kontra mi, ma bu raiba fria, bu konsolan.

Isaias 26:13

O SIÑOR no Deus, utru siñoris e manda riba di nos, ma i bu nomi son ku no ta coma.

Isaias 26:8

Anos tambi, SIÑOR, no na spera na bo; no sta na kamiñu ku bu leis mostranu. Kusa ku no korson misti i pa lembra di bu nomi.

Isaias 28:29

Es i bin di SIÑOR ku ten tudu puder, ku ta fasi planus maravilyosu ku kusas garandi.

Isaias 40:27

Jakó! Israel! Ke ku manda bu na papia asin, bu fala kuma bu kamiñu sta sukundidu di uju di SIÑOR, kuma bu Deus ka na mporta si bu ka na fasidu justisa?

Isaias 46:10

Disna di tempu antigu N kontaba ja kusas ku ka kontisi inda. Na kumsada N ta jumna N konta kusas di kabantada. N ta fala kuma ña planu sta firmi; N na fasi tudu kil ku N misti.

Isaias 46:11

Konformi ña planu N na coma un omi di un tera lunju, na ladu di saida di sol, ku na bin suma mañoti. Konformi N fala, asin ki na sedu; Kusa ku N pui sintidu pa fasi, N ta fasil.

Isaias 49:4

Ma N fala: “N tarbaja amonton; N gasta ña forsa na nada, sin purbitu. Ma ki pagamentu ku N ten diritu di risibi i sta nunde SIÑOR ña Deus.”

Isaias 49:5

SIÑOR forman na bariga di ña mame pa N sedu si servu, pa ribantal Jakó, pa junta pobu di Israel. SIÑOR na dan onra; ña Deus na sedu ña forsa.

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Isaias 7:13

Isaias fala: “Abos di familia di Davi, bo obi ke ku N na fala. Nta i ka ciga bos e manera ku bo na kansa omis, inda bo na kansa ña Deus?

Joel 2:26

Bo na kume ciu, bo farta, bo ngaba nomi di SIÑOR bo Deus, ku fasi garandi maravilyas pa bos. Nunka mas ña pobu ka na pasa borgoña.

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Efésius 1:11

Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.

Apokalipsi 7:12

e fala: “Amen! Lovor ku gloria ku jiresa ku gardisimentu ku rispitu ku puder ku forsa i sedu di no Deus pa tudu sempri! Amen!”