Isaias 24:3 - BIBLIA - traduson antigu in Krioulo

³ Tudu mundu na danadu, i disadu sin nada. I SIÑOR ku papia e palabra.

Isaias 24:3 ပူးပေါင်းရင်းမြစ်များ

2 Kronikas 36:21

Asin, palabra di SIÑOR, ki fala na boka di Jeremias, i bin sedu; con fika i goza si dias di diskansu duranti tudu ki tempu ki fika bandonadu, tok ki setenta anu kompleta.

Isaias 21:17

Restu di kilis ku ta manda fleŝa, ku sedu tropas mas forti di fijus di Kedar, na sedu puku.” Asin ku SIÑOR, Deus di Israel, fala.

Isaias 22:25

Na ki tempu, ki pregu ku pregadu na kau suguru i na kumsa yogoli, i ŋonki pa bas, i kai. Ki kusas ku pindraduba nel na kai tudu.” Asin ku SIÑOR ku ten tudu puder fala.

Isaias 24:1

Jubi, SIÑOR na kaba ku tudu na mundu, i disal sin nada. I na dana tudu tera, i pajiga si moraduris.

Isaias 24:2

Kil ku pasa ku pobu na pasa ku saserdoti; servu na sedu suma si patron, bajuda suma si mestra, kumpradur suma kil ku ta bindi, kil ku pista suma algin ku pistadu, kil ku kobra juru suma kil ku pagal.

Isaias 24:4

Tera na lati, i na seku; mundu na pirdi forsa, i na lati. Jinti mas altu di tera na pirdi forsa.

Isaias 42:22

Ma e pobu pañadu na armadilias, e robadu se kusas, e sukundidu na kalabus. E sedu suma kusas ku furtadu na gera; i ka ten ningin pa kaplinti elis, o pa fala: “Ribanta elis.”

Isaias 5:6

N na tornal suma lala; i ka na podadu nin mondadu, ma pe di fidida na kirsi nel, ku utru plantas ku ta fidi. N na da nuvens ordi pa ka e manda cuba nel.

Isaias 6:11

N puntal: “Te kal tempu, SIÑOR?” I ruspundin: “Tok prasas danadu, e fika sin ningin. Kasas na fika sin algin mora la; tera na danadu tudu.

Jeremias 13:15

Bo para sintidu, bo obi; ka bo yalsa bo kabesa, pabia SIÑOR i papia.

Ezekiel 36:4

Pabia di kila, ami, SIÑOR Deus, N fala: Montis di Israel, bo obi palabra di SIÑOR. Abos, montis garandi ku pikininu, ku korentis ku kobons, lugaris danadu ku fika dingidu, ku prasas bandonadu, ku bida trosa ku kau di furta pa restu di nasons visiñu,

Mikeias 2:4

Na ki dia algin na tira un ditu pa bos; jinti na lanta e na cora tristi, e fala: ‘No danadu tudu! Yardansa di ña pobu, ku sedu se tera, i divididu. El i tiranu el, i rapati no lugaris pa utru jinti.’ ”

Mikeias 4:4

Kada un na sinta bas di si pe di uva, o bas di si figera; i ka na ten kin ku na pantanda elis, pabia i SIÑOR ku ten tudu puder ku fala.

Ripitison di Lei 29:23

Tudu con na kemadu, i kubridu ku sal ku nŝofri; nada ka na sumiadu, nada ka na padi; nin paja ka na kirsi. I na sedu suma con di Sodoma, Gomora, Admá ku Zeboin, ku SIÑOR kaba ku el na si garandi raiba.

Ripitison di Lei 29:28

SIÑOR rinka elis na se tera ku forsa di fugu di si raiba, i bota elis pa utru tera, suma ku no na oja aos.”