Isaias 24:18 - BIBLIA - traduson antigu in Krioulo

¹⁸ Algin ku obi kusa meduñu, i kuri, i na kai na koba. Kil ku sai na koba i ta pañadu na armadilia. Janelas di seu na yabri; alisersus di mundu na tirmi.

Isaias 24:18 ပူးပေါင်းရင်းမြစ်များ

Kumsada 19:24

SIÑOR manda cuba di nŝofri ku fugu di seu riba di Sodoma ku Gomora.

Kumsada 7:11

Na anu 600 di vida di Noe, na dia 17 di sugundu mis, na ki mesmu dia, i rebenta tudu fontis di koba fundu, i yabri janelas di seu.

2 Reis 7:2

Un kapiton, ku rei ngostaba na si mon, i ruspundi omi di Deus, i falal: “Nin ku SIÑOR yabri janela di seu, es pudi sedu me?” Eliseu falal: “Bu na ojal ku uju, ma bu ka na kume nada del.”

Jo 20:24

Nin si i kapli di material di gera, di feru, fleŝa di kobri na fural.

Salmus 18:15

SIÑOR, oca ku bu raprindi inimigus, oca tambi ki folgu forti rebenta na bu naris, kau fundu di mar ojadu, alisersus di mundu diskubridu.

Salmus 18:7

Asin, con bulbuli, i tirmi; alisersus di montis balansa, e tirmi, pabia Deus staba ku raiba.

Salmus 18:8

Fumu sai na si naris; fugu ku ta kaba ku kusas sai na si boka; brasas di fugu sai nel.

Eklesiastis 9:12

Tambi omi ka sibi kal ki si ora. Suma pis ta pañadu na ridia mau, o kacus ta pañadu na armadilia, asin omis ta pañadu na tempu mau ku ta kai riba delis di repenti.

Isaias 13:13

N na pui seu pa i tirmi; mundu na bulbuli tok i sai na si lugar, pabia di raiba di SIÑOR ku ten tudu puder ku na yardi na ki dia.

Isaias 2:19

Jinti na kuri e yentra na kobas di pedras garandi ku kobas di con pa sukundi di raiba meduñu di SIÑOR, ku gloria di si puder, ora ki lanta pa bulbuli con.

Isaias 2:21

E na kuri pa yentra na kobas ku kavernas di pedras garandi pabia di raiba meduñu di SIÑOR, ku gloria di si puder, ora ki lanta pa bulbuli con.

Isaias 42:22

Ma e pobu pañadu na armadilias, e robadu se kusas, e sukundidu na kalabus. E sedu suma kusas ku furtadu na gera; i ka ten ningin pa kaplinti elis, o pa fala: “Ribanta elis.”

Isaias 8:14

El i na sedu kau sagradu pa bos, ma pa tudu dus renu di Israel, i na sedu pedra di da tapada, un pedra garandi ku na pui jinti kai nel. Pa moraduris di Jerusalen i na sedu armadilia ku ridia.

Jeremias 48:43

Medu, koba ku armadilia na perau, moradur di Moab.” Asin ku SIÑOR fala.

Jeremias 48:44

“Kin ku kuri di medu i na kai na koba. Kin ku sai na koba i na prindidu pa armadilia, pabia N na tisi Moab si anu di kastigu.” Asin ku SIÑOR fala.

Miskiñu di Jeremias 3:47

Koba ku medu ku kastigu ku mal sta no dianti.”

Ezekiel 11:8

Bo medi spada, ma i spada ku N na tisi pa bos. Asin ku SIÑOR Deus fala.

Ezekiel 12:13

N na distindi ña ridia riba del pa i pañadu nel; N na lebal pa Babilonia, tera di kaldeus, ma i ka na ojal; i na bin muri la.

Ezekiel 15:7

N na pui ña rostu kontra elis. E kapli di fugu, ma fugu na kaba ku elis. Bo na sibi kuma ami i SIÑOR ora ku N pui ña rostu kontra elis.

Amos 5:18

Ai di bos ku dija dia di SIÑOR! Ke ku bo dija ki dia di SIÑOR pa el? I na sedu dia di sukuru, i ka na sedu di lus.

Amos 5:19

I na sedu suma un omi kuri pa kapli di lion, i bin kontra ku ursu, o suma i yentra na un kasa, i ngosta mon na paredi; kobra bin murdil.