Isaias 24:16 - BIBLIA - traduson antigu in Krioulo

¹⁶ Di lugar mas lunju di mundu no obi jinti ku na kanta: “Gloria pa Deus justu!” Ma ami N fala: “Kurpu na kaba ku mi! Koitadi di mi! Kurpu na kaba ku mi! Falsiaduris na falsia; sin, falsiaduris e mas na falsia!”

Isaias 24:16 ပူးပေါင်းရင်းမြစ်များ

Salmus 106:15

El i da elis ke ke pidi, ma i bin pui elis pa e magru ku duensa.

Salmus 119:158

N oja ki jinti ku kebra lei, N fika ku kasabi, pabia e ka ta obdisi bu palabra.

Salmus 2:8

Pidin; ami N ta dau nasons, te na kabantada di mundu, pa bu tenel suma yardansa.

Salmus 58:10

Justus na kontenti ora ke oja vingansa; e na laba se pe na sangi di omi mau.

Salmus 65:8

Kilis ku mora na kau lunju e ten medu di kusas garandi ku bu fasi. Si sol mansi o i na kai, bu ta pui elis kanta ku alegria.

Salmus 67:7

Deus na bensuanu; jinti di tudu ladu di mundu na rispital.

Salmus 98:3

Na si bondadi ku si bardadi pa pobu di Israel, i lembra sempri di kil ki purmiti elis. Jinti di tudu parti di mundu e oja salbason di no Deus.

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Isaias 10:16

Asin SIÑOR, SIÑOR ku ten tudu puder, i na manda duensa ku na fraksi kurpu di jinti gurdu na se metadi. I na pui fugu ku na kema ku forsa dentru di se kurpus.

Isaias 11:12

I na lantanda un bandera na metadi di nasons, i na junta jinti di Israel ku Judá ku pajigaduba fora di se tera, i na rukuji elis desdi kuatru kantu di mundu.

Isaias 17:4

“Dia na ciga ku gloria di Jakó na fika puku; gurdura na si kurpu na disparsi.

Isaias 21:2

N mostradu un vison duru. Falsiadur na falsia; danadur na yanda i na dana son pa bai. O Elan, bai bu ataka! O Media, taja prasa. N kaba ku tudu jimi di jinti ku Babilonia kastiga.

Isaias 26:15

Bu buri e pobu, SIÑOR; bu buri elis, bu ngaña gloria. Bu ciganta tudu fronteras pa tera fika mas largu.

Isaias 28:5

Dia na ciga ku SIÑOR ku ten tudu puder na sedu koroa gloriosu pa restu di si pobu, suma koroa di floris bonitu.

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

Isaias 42:10

Bo kanta un kantiga nobu pa SIÑOR, bo kanta pa ngabal, abos di tudu mundu! Abos ku sta na bias di yagu, ku tudu ku sta na mar, abos, jius, ku tudu kilis ku mora la, bo kanta pa ngaba SIÑOR.

Isaias 48:8

Bu ka obi, nin bu ka sibi; bu oreja tapa disna, pabia N sibiba kuma abo i algin falsu, kuñisidu suma rebeldi disna ku bu padidu.

Isaias 52:10

SIÑOR ragasa si mon sagradu na uju di tudu nasons; jinti di tudu kantu di mundu na oja salbason di no Deus.

Isaias 6:5

N fala: “Ai di mi! N sta pirdidu, pabia N sedu omi di boka susu, N mora na metadi di jinti di boka susu, ma ña uju oja Rei, SIÑOR ku ten tudu puder!”

Isaias 60:21

“Tudu bu pobu na sedu justu, e na yarda tera pa sempri. E sedu arvuri nobu ku N paranta, tarbaju di ña mon pa mostra ña gloria.

Jeremias 12:1

O SIÑOR, abo ku ten roson sempri ora ku N pui ña kasu bu dianti, ma N na papia ku bo aserka di bu justisa. Ke ku manda kusas ta kuri diritu ku jinti mau? Ke ku manda kilis ku ka sedu fiel ta vivi ku pas?

Jeremias 12:6

Te bu ermons, familia di bu pape, elis propi e sedu infiel pa bo, e ta pirsigiu ku forti gritus. Ka bu fia nelis, mesmu ke na papia palabra sabi ku bo.

Jeremias 3:20

Ma, suma minjer ku ka sedu fiel pa si omi, asin ku abo, Israel, bu ka seduba fiel pa mi.” Asin ku SIÑOR fala.

Jeremias 5:11

Pobu di Israel ku pobu di Judá e sedu infiel pa mi.” Asin ku SIÑOR fala.

Miskiñu di Jeremias 1:2

I ta cora tudu noti; si larmas ta darma na si uju; I ka ten kin ku na kalmal na kilis ku gostaba del; tudu si amigus sedu infiel pa el, e ravolta kontra el.

Oseias 5:7

E ka sedu fiel pa SIÑOR, pabia e padi se fijus fora di kasamenti. Na tempu di festival di lua nobu e na kabadu ku el, juntu ku se tera.

Oseias 6:7

Ma elis e kebra kontratu suma Adon; e sedu infiel kontra mi.

Sirmonias 26:39

Kilis di bos ku sobra, se forsa na kaba puku puku, na tera di se inimigus, pabia di se pekadus. Tambi pabia di pekadus di se papes e na pirdi forsa.

Mikeias 5:4

I na manti firmi, i na bakia pobu na forsa di SIÑOR, na puder di nomi di SIÑOR si Deus. E na mora suguru, pabia i na bin garandisidu te na partis mas lunju di mundu.

Abakuk 1:13

Manera ku bu uju puru dimas, bu ka pudi seta mal; bu ka pudi kontinua jubi pa jinti ku na fasi mal. Nta ke ku manda bu ta disa nganaduris? Pabia di ke ku bu ta kala ora ku omi mau na nguli kil ki mas justu di ki el?

Abakuk 1:3

Ke ku manda bu pun pa N oja kastigu di jinti? Kuma ku bu pudi seta pekadu? Danu ku violensia sta ña dianti. I ka ta falta algin pa lantanda jus ku gera.

Markus 13:27

Na ki ora i na manda si anjus pa kuatru kantu di tera pa e junta kilis ki kuji, desdi un ladu di mundu te na utru.

Atus 13:47

pabia asin ku Siñor danu ordi, i fala: ‘N pou pa lus di jintius, pa bu leba salbason te fin di mundu.’ ”

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.