Isaias 23:9 - BIBLIA - traduson antigu in Krioulo

⁹ SIÑOR ku ten tudu puder, el ku ranja e planu, pa kaba ku orgulyu di tudu bonitasku, pa baŝa kilis mas rispitadu na mundu.

Isaias 23:9 ပူးပေါင်းရင်းမြစ်များ

Jo 12:21

I ta tisi disprezu pa ŝefis; i ta tira puder di jinti forti.

Salmus 107:40

Deus njuti ki ŝefis, i pui elis yanda-yanda na lala, nunde ku kamiñu ka ten.

Saida 8:4

E na salta te riba di bo ku bu pobu ku bu ŝefis.”

Isaias 10:33

SIÑOR Deus ku ten tudu puder na korta ramus ku forsa; kilis mas altu na kortadu; ki orgulyosus e na batidu.

Isaias 13:11

N na kastiga mundu pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyu di jinti ku ta manda ku forsa.

Isaias 14:24

SIÑOR ku ten tudu puder jurmenta i fala: “Suma ku N pensa, asin ki na sedu. Suma ku N disidi, asin ki na fasidu.

Isaias 14:26

Es i planu ku markadu pa tudu mundu; es i mon ku distindi riba di tudu nasons.

Isaias 14:27

SIÑOR ku ten tudu puder i fasi si planu; kin ku pudi tujil? Si mon sta distindidu; kin ku pudi ribantal pa tras?

Isaias 2:11

Ujus di jinti ku ta yalsa kabesa e na baŝadu; orgulyu di omis i na kabadu ku el. Son SIÑOR ku na yalsadu na ki dia,

Isaias 2:12

pabia dia na bin ciga ku SIÑOR ku ten tudu puder na sta kontra tudu jinti ku yalsa se kabesa ku orgulyu, ku tudu ku toma lugar mas altu, pa e batidu.

Isaias 2:17

Orgulyu di omi na batidu; ronku di omi na baŝadu. Son SIÑOR ku na yalsadu na ki dia.

Isaias 23:10

Jinti di Tarsis, bo pega na labur, suma ke ta fasi lungu di Nilu, pabia bu ka tene ja purtu suguru.

Isaias 32:13

Pe di spiñu ku utru plantas ku ta fidi e na nasi e toma konta di tera di ña pobu. Bo fika tristi pabia di tudu kasas nunde ku jinti ta kontenti, na prasa di movimentu ku alegria,

Isaias 5:13

Pabia di kila ña pobu na lebadu katiberasku pa falta di ntindimentu. Se jinti di rispitu na tene fomi; manga di jinti na muri di sedi.

Isaias 9:15

(Omi garandi ku rispitadu i sedu kabesa; anunsiadur ku ta nsina mintida, el ki rabu.)

Jeremias 13:9

“Asin ku SIÑOR fala: Asin ku N na pui orgulyu di Judá pa i podri, ku orgulyu garandi di Jerusalen.

Jeremias 51:62

bu fala: ‘SIÑOR, bu fala aserka de kau kuma bu na kaba ku el, pa ka nada fika nel, nin omi nin limaria, pa i bida un lala pa sempri.’

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Obadias 1:2

SIÑOR fala Edon: “N na fasiu pikininu na metadi di nasons; tudu jinti na njutiu.

Malakias 4:1

SIÑOR ku ten tudu puder fala: “Jubi, ki dia na bin, i na yardi suma furnu. Tudu jinti orgulyosu ku tudu kilis ku ta fasi mal e na sedu suma paja; ki dia ku sta pa bin na kema elis, tok e ka na disadu nin se rais, ku fadi ramu.

Atus 4:28

E lanta pa fasi tudu ku bu puder ku bu vontadi markaba ja pa i kontisi.

Efésius 1:11

Deus ta fasi tudu kusa konformi i marka na si vontadi. I kujinu pa no sedu si pobu na union ku Kristu, konformi planu ki tarda fasi,

Efésius 3:11

Es i sedu konformi si planu iternu ki bin fasi pa meiu di Kristu Jesus no Siñor.

Tiagu 4:6

Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”