Isaias 23:18 - BIBLIA - traduson antigu in Krioulo

¹⁸ Tudu diñeru ki na ngaña na nogos i na dedikadu pa SIÑOR. I ka na rakadadu o ficadu, ma si ngañu na sedu pa kilis ku ta sirbi dianti di SIÑOR, pa e pudi tene bastanti kumida ku ropa di bon koldadi.

Isaias 23:18 ပူးပေါင်းရင်းမြစ်များ

Salmus 45:12

Pobu di Tiru na tisiu pursentis; omis riku na tenta ngaña bu fabur.

Salmus 72:10

Reis di Spaña ku jius, ku reis di Arabia ku Etiopia, e na tisi pursentis pa dal.

Salmus 72:11

Tudu reis na mpina si dianti; tudu nasons na sirbil.

Saida 28:36

“Kumpu tambi un lamina di uru puru. Suma ku algin ta grava karimbu, asin ku bu na grava e palabras: DEDIKADU PA SIÑOR.

Ditus 13:22

Un bon omi ta disa yardansa pa fijus di si fijus, ma rikesa di algin mau i ta guardadu pa justu.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Ezekiel 26:12

E na furta bu rikesas, e na toma tudu bu merkadorias, e na bati bu muras, e na dana bu kasas bonitu. E na bota bu pedras, bu madera ku restu di bu paredis na mar.

Mikeias 4:13

O pobu di Sion, bo lanta, bo masa, pabia N na fasiu suma turu ku tene cifri di feru ku uñas di kobri, pa kebranta manga di nason. Ki se rikesa ngañadu ku tarpasa i na dedikadu pa mi, SIÑOR di tudu mundu.

Zakarias 14:14

Judá tambi na geria pa difindi Jerusalen. Rikesa di tudu nasons na roda na juntadu — manga di uru ku prata ku ropa.

Malakias 3:10

Bo tisi tudu dizimus pa armazen di templu, pa kumida pudi ten na ña kasa; dipus bo ta proban, ami, SIÑOR ku ten tudu puder, pa jubi si N ka na yabri janelas di seu, pa darma riba di bos un benson garandi, tok bo ka na tene kau di pui.

Mateus 25:16

Kil ku risibi sinku saku di uru i kumsa na fasi nogos, i ngaña mas sinku saku.

Markus 3:8

Jerusalen, Idumeia, ku utru banda di riu Jordon, ku tera pertu di Tiru ku Sidon. Ki jinti tudu e obi di garandi kusas ku Jesus fasi, e bai pa el. Jinti ciu,

Lukas 12:33

Bo bindi kil ku bo tene, bo da pobris. Bo ranja pa bos kartera ku ka ta beju, ku rikesa na seu ku nunka ka ta kaba, nunde ku ladron ka ta ciga, nin bagabaga ka ta kumel,

Lukas 8:3

Joana, minjer di Kusa, prokuradur di Erodis, ku Susana, ku manga di utru jinti ku ta judaba Jesus ku si disipulus ku sustentu.

Atus 9:39

Pedru lanta, i bai ku elis. Oca ki ciga, e subi ku el, e lebal na ki kuartu. Tudu viuvas rodial, e na cora, e na mostra kamisas ku utru ropa ku Dorkas fasiba oca ki staba ku elis.

Gálatas 6:6

Si algin na nsinadu palabra di Deus, i dibi di rapati tudu kusa bon ki tene ku si pursor.