Isaias 23:11 - BIBLIA - traduson antigu in Krioulo

¹¹ SIÑOR distindi si mon riba di mar, i turmenta renus. I da ordi kontra Fenísia pa kaba ku tudu si kaus forti.

Isaias 23:11 ပူးပေါင်းရင်းမြစ်များ

Kumsada 9:25

i fala: “Kanaan na maldisuadu! I na sedu servu mas bas pa si ermons.”

Salmus 46:6

Nasons torna brabu; renus bulbuli; Deus pui si vos pa i obidu; mundu bin ribi.

Salmus 71:3

Ba ta sedu ña roca suguru nunde ku N pudi bai sempri. Da ordi pa N sedu salbu, pabia abo i ña roca, ña kau forti.

Saida 14:21

Moisés distindi mon riba di mar. SIÑOR pinca mar pa tras ku bentu forti di saida di sol ku supra tudu ki di noti. Mar torna seku, i dividi na dus parti.

Isaias 10:6

N na mandal kontra un nason ku ka mporta ku Deus, kontra pobu ku N ten raiba del; N dal ordi pa i roba kusa di jinti, i toma rikesa, i masa jinti suma lama na ruas.

Isaias 13:13

N na pui seu pa i tirmi; mundu na bulbuli tok i sai na si lugar, pabia di raiba di SIÑOR ku ten tudu puder ku na yardi na ki dia.

Isaias 14:26

Es i planu ku markadu pa tudu mundu; es i mon ku distindi riba di tudu nasons.

Isaias 19:5

Yagu di riu Nilu na mingua tok i kaba seku tudu.

Isaias 2:19

Jinti na kuri e yentra na kobas di pedras garandi ku kobas di con pa sukundi di raiba meduñu di SIÑOR, ku gloria di si puder, ora ki lanta pa bulbuli con.

Isaias 23:10

Jinti di Tarsis, bo pega na labur, suma ke ta fasi lungu di Nilu, pabia bu ka tene ja purtu suguru.

Isaias 23:3

Miju di Sior bin na barku; kebur ku ta bin di con lungu di riu Nilu i tisi rikesa pa Tiru. I ta fasi nogos ku manga di nason.

Isaias 25:2

Bu fasi prasa muntudu di pedra; prasa forti, bu danal. Bu dana palasiu di jinti di utru tera pa i ka sedu mas prasa; nunka mas i ka na kumpudu.

Isaias 5:25

E ku manda raiba di SIÑOR na yardi kontra si pobu, i distindi si mon kontra elis, i mata elis. Montañas tirmi; se difuntus i suma muntudu na ruas. Mesmu asin, si raiba ka kalma, ma si mon sta inda yalsadu.

Isaias 50:2

Ke ku manda, oca ku N bin, ningin ka staba la? N coma; ningin ka kudi. Nta ña mon kurtusi tok i ka pudi kaplinti algin? O N ka ten ja mas forsa pa liberta? N pudi sekusi mar son ku un palabra di ordi; N ta bidanta rius suma lala, tok se pis ta cera mal pabia di falta di yagu, e ta muri ku sedi.

Jeremias 47:7

Ma kuma ki pudi diskansa nkuantu ami, SIÑOR, N dal ordi pa i ataka Askelon, ku kilis ku sta lungu di mar? La ku N dal si tarbaju.”

Ezekiel 26:10

Si kabalus na ciu tok e na kubriu ku puera. Bu muras na tirmi ku baruju di kabalus ku rodas di karus ora ke na yentra na bu porton, suma jinti ku na yentra na un prasa ku rombadu.

Ezekiel 26:4

E na dana mura di Tiru, e na bati si toris; ami N na bari si puera pa i pudi sedu suma un pedra ku ka kubridu.

Ezekiel 31:16

Oca ku N pui pa i ria na mundu di mortus, baruju di si kaida pui pa nasons tirmi. Tudu arvuris di Eden ku arvuris mas bonitu di Líbanu, kilis ku ta bibi yagu ciu, e fika kontenti na mundu la bas.

Naun 1:14

Ninive, SIÑOR da ordi kontra bo, kuma bu ka na tene jorson ku na kontinua bu nomi. Na baloba di bu deus N na kaba ku imaẑens labradu ku idulus fundidu. N na purpara bu kau di nteru, pabia bu mau.

Aẑeu 2:7

N na bulbuli tudu nasons; ki algin ku tudu nasons misti i na bin. Ami, SIÑOR ku ten tudu puder, N na inci e kasa ku gloria.

Zakarias 14:21

Tudu panelas na Jerusalen ku Judá na konsagradu pa SIÑOR ku ten tudu puder. Tudu jinti ku pursenta sakrifisiu e na bin toma un di ki panelas, e kusña nel. I ka na ten mas bindidur na kasa di SIÑOR ku ten tudu puder.

Markus 11:17

I nsina elis, i punta: “Nta Deus ka fala na Skritura kuma si kasa na comadu kasa di orason pa jinti di tudu rasa? Ma abos bo fasil kau ku ladron ta sukundi nel.”

Bon Noba di Jesus Kristu ku Jon 2:16

i fala jinti ku na bindi pumbas: “Bo tira e kusas di li! Ka bo fasi kasa di ña Pape kau di bindi nel.”