Isaias 2:7 - BIBLIA - traduson antigu in Krioulo

⁷ Se tera inci prata ku uru; se rikesa ka pudi kontadu. Se tera inci tambi ku kabalus; se karus ciu tok i pasa.

Isaias 2:7 ပူးပေါင်းရင်းမြစ်များ

1 Reis 4:26

Salomon teneba korenta mil kasa di kabalu ku ta leba karu, ku dozi mil kabalu ku ta montadu pa gera.

Jo 3:15

N na ditaba ku ŝefis ku teneba uru, ku inci se kasas ku prata.

Salmus 20:7

Utrus ta fiansa na karus, utrus na kabalus, ma anos, no na fiansa na nomi di SIÑOR no Deus.

Isaias 30:16

Bo fala: “Nau, no na monta na kabalu, no kuri.” Asin, bardadi, bo na kuri. Bo fala: “No na monta kabalus ku ta kuri kinti-kinti, no bai.” Asin, kilis ku na bai bo tras, elis tambi e na kuri kinti-kinti.

Isaias 31:1

Koitadi di kilis ku ta bai buska ajuda na Ejitu, e fiansa na kabalus ku se manga di karu, ku se kabalerus manera ke sedu forti dimas, ma e ka na jubi pa Deus Santu di Israel, nin e ka na buska SIÑOR.

Isaias 57:17

N tenba raiba pabia di pekadu di se korsonudu; e ku manda N kastiga elis, N ka da elis rostu pabia di ña raiba, ma e kontinua risu kabesa na kamiñu ke misti.

Oseias 14:3

Asiria ka pudi salbanu; no ka na monta kabalus di gera; no ka na torna fala un kusa ku no kumpu ku no mon: ‘Abo i no Deus’, pabia i na bo ku orfan ta oja miserikordia.”

Mikeias 5:10

SIÑOR fala: “Na ki dia N na kaba ku bu kabalus ku karus na bu tera.

Apokalipsi 18:3

Tudu nason bibi biñu di raiba di si mau vida. Reis di mundu peka ku el. Nogosiantis di mundu bida riku na manga di ronku di puku borgoña.”