Isaias 2:12 - BIBLIA - traduson antigu in Krioulo

¹² pabia dia na bin ciga ku SIÑOR ku ten tudu puder na sta kontra tudu jinti ku yalsa se kabesa ku orgulyu, ku tudu ku toma lugar mas altu, pa e batidu.

Isaias 2:12 ပူးပေါင်းရင်းမြစ်များ

2 Samuel 22:28

Bu ta salba jinti umildi, ma bu uju ta sta kontra jinti orgulyosu, pa bati elis.

Jo 24:1

“Suma ku tempus di julgamentu ka sukundidu di Deus ku ten tudu puder, ke ku manda kilis ku kunsil ka na oja ki dias?

Salmus 131:1

SIÑOR, ña korson i ka orgulyosu, nin N ka ta jubi ku rostu riba. N ka ta fika prokupadu ku kusas garandi, nin kusas ku mas ña kabesa,

Salmus 18:28

Abo bu ta sindi ña kanderu; SIÑOR ña Deus na bidanta ña sukuru klaridadi.

Salmus 37:13

SIÑOR na ril, pabia i oja kuma dia di si kastigu na ciga.

Salmus 94:2

Abo ku sedu Juis di mundu, lanta, bu paga jinti orgulyosu kil ke mersi.

Ditus 16:5

SIÑOR nuju kilis ku ta yalsa kabesa. Sin duvida e ka na kapli di kastigu.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 10:33

SIÑOR Deus ku ten tudu puder na korta ramus ku forsa; kilis mas altu na kortadu; ki orgulyosus e na batidu.

Isaias 13:11

N na kastiga mundu pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyu di jinti ku ta manda ku forsa.

Isaias 13:6

Bo cora, pabia dia di SIÑOR sta pertu, dia ku kil ku ten tudu puder na bin pa dana.

Isaias 13:9

Jubi, dia di SIÑOR na bin, dia meduñu di raiba forti ku na yardi. I na bin pa bidanta tera suma lala, pa kaba ku jinti di la ku ta fasi pekadu.

Isaias 14:15

Ma bu na lebadu na mundu di mortu, na kau mas fundu na koba.

Isaias 23:9

SIÑOR ku ten tudu puder, el ku ranja e planu, pa kaba ku orgulyu di tudu bonitasku, pa baŝa kilis mas rispitadu na mundu.

Isaias 24:21

Dia na ciga ku SIÑOR na kastiga puderis la riba na seu, ku reis di tera li bas.

Isaias 24:4

Tera na lati, i na seku; mundu na pirdi forsa, i na lati. Jinti mas altu di tera na pirdi forsa.

Isaias 40:23

Reis ku ŝefis di mundu, i ta bidanta elis suma nada.

Isaias 42:15

Montis ku montisiñus, N na bidanta elis lala, N na pui se paja pa i seku. N na bidanta rius jius, N na sekusi laguas.

Isaias 5:15

Jinti mas bas ku jinti di rispitu, e na riantadu tudu; uju di orgulyosus na baŝadu.

Isaias 61:2

pa anunsia anu di fabur di SIÑOR, ku dia di vingansa di no Deus, pa konsola tudu kilis ku na cora.

Jeremias 12:9

Ña yardansa pa mi i un kacu di manga di kor; kacus brabu ta bin rodial pa ataka. Abos, tudu limarias di matu, bo junta, bo bin, bo kumel.

Jeremias 13:9

“Asin ku SIÑOR fala: Asin ku N na pui orgulyu di Judá pa i podri, ku orgulyu garandi di Jerusalen.

Jeremias 30:7

Ki dia na sedu dia meduñu; i ka na ten utru dia ku parsi ku el! I na sedu tempu di foronta pa Jakó, ma i na libradu del.

Jeremias 46:10

E dia i dia di SIÑOR Deus ku ten tudu puder, dia di vingansa, dia di vinga si inimigus. Spada na nguli tok i farta, i na bibi se sangi tok i cami, pabia SIÑOR Deus ku ten tudu puder tene sakrifisiu na tera di norti, lungu di riu Eufrates.

Jeremias 50:31

“Ami, SIÑOR Deus ku ten tudu puder, N fala kuma N sta kontra bo, orgulyosu, pabia bu dia ciga, tempu ku N ten ku kastigau.

Ezekiel 13:5

Bo ka bai jubi kau ku dana, nin bo ka kumpu mura pa pobu di Israel, pa e pudi fika firmi na gera na dia di SIÑOR.

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Amos 5:18

Ai di bos ku dija dia di SIÑOR! Ke ku bo dija ki dia di SIÑOR pa el? I na sedu dia di sukuru, i ka na sedu di lus.

Mikeias 2:3

Pabia di kila, SIÑOR fala ki jinti: “Jubi, ami N na fasi planus di mal kontra bos, ku bo ka na libra bo kabesa del. Bo ka na yanda mas ku orgulyu, pabia tempu na sedu mau.

Mikeias 5:11

N na kaba ku prasas di bu tera, N na bati tudu bu kaus forti na con.

Sofonias 1:16

dia di korneta ku gritus di tropas ku na ataka prasas forti ku toris altu.

Sofonias 3:11

Na ki dia bu ka na burguñu di nin un di kusas ku bu fasi, manera ku bu disobdisin, pabia N na tira na bu metadi kilis ku ta kontenti na se orgulyu. Nunka mas bu ka na yalsa ombra na ña monti sagradu.

Malakias 4:1

SIÑOR ku ten tudu puder fala: “Jubi, ki dia na bin, i na yardi suma furnu. Tudu jinti orgulyosu ku tudu kilis ku ta fasi mal e na sedu suma paja; ki dia ku sta pa bin na kema elis, tok e ka na disadu nin se rais, ku fadi ramu.

Malakias 4:5

“Jubi, N na manda bos anunsiadur Elias, antis di ki dia garandi di SIÑOR ciga, ku na sedu dia meduñu.

Mateus 23:12

Kualker algin ku yalsa si kabesa i ta baŝadu. Kualker ku baŝa si kabesa i ta yalsadu.

Lukas 14:11

Tudu kil ku yalsa si kabesa, i ta baŝadu. Kil ku baŝa si kabesa, i na yalsadu.”

1 Koríntius 5:5

bo ta ntrega Satanas ki algin, pa kaba ku si kurpu, pa si alma pudi salba na Dia di Siñor.

1 Tesalonisensis 5:2

pabia abos propi bo sibi kuma Dia di Siñor na bin suma ku ladron ta bin di noti.

Tiagu 4:6

Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”