Isaias 2:10 - BIBLIA - traduson antigu in Krioulo

¹⁰ Bai bu yentra na pedras garandi, bu koba na con, bu sukundi di raiba meduñu di SIÑOR, ku gloria di si puder.

Isaias 2:10 ပူးပေါင်းရင်းမြစ်များ

Jo 31:23

Pabia kastigu di Deus i un kusa meduñu pa mi; suma N ka pudi nguenta si garandesa, N ka pudiba fasi kusas asin.

Jo 40:13

Ntera elis tudu juntu na reia, bu sukundi se rostu na koba.

Salmus 145:12

pa tudu jinti pudi sibi di kusas garandi ku bu fasi, ku gloria di garandesa di bu renu.

Salmus 90:11

Kin ku kunsi forsa di bu raiba? Kin ku kunsi ki medu ku bu raiba pudi tisi?

Isaias 10:3

Ma ke ku bo na fasi na dia di da konta, ora ku kastigu na bin di lunju? Pa kin ku bo na kuri pa oca sakur? Nunde ku bo na disa bo rikesa?

Isaias 25:11

E na distindi se mon suma algin ku na nada ta distindil, ma Deus na baŝa se orgulyu; se mon na pirdi jitu.

Isaias 42:22

Ma e pobu pañadu na armadilias, e robadu se kusas, e sukundidu na kalabus. E sedu suma kusas ku furtadu na gera; i ka ten ningin pa kaplinti elis, o pa fala: “Ribanta elis.”

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Jeremias 10:7

O Rei di nasons, kin ku ka dibi di ten medu di bo? I abo son ku mersi rispitu. I ka ten ningin suma bo na metadi di tudu jirus di nasons, o na tudu se renus.

Jeremias 13:9

“Asin ku SIÑOR fala: Asin ku N na pui orgulyu di Judá pa i podri, ku orgulyu garandi di Jerusalen.

Oseias 10:8

Kaus altu di Aven, nunde ku Israel ta fasi pekadu, e na danadu. Pe di fidida ku tudu plantas ku ta fidi na nasi, e kubri se altaris. E na fala montañas: “Bo kubrinu!” E na fala montis: “Bo kai riba di nos!”

Naun 3:11

Abo tambi, Ninive, bu na cami, bu na buska kau forti pa sukundi di inimigu.

Lukas 12:5

N na mostra bos kin ku bo dibi di medi. Bo medi Deus, kil ku, dipus di mata, i ten puder pa bota na nfernu. Sin, N na fala bos, i el ku bo dibi di medi.

Lukas 23:30

Na ki tempu e na kumsa fala montis: ‘Bo kai riba di nos.’ E na fala montisiñus: ‘Bo sukundinu.’

2 Tesalonisensis 1:9

E na sufri kastigu di pirdi ntidu, separadu di pursensa di Siñor ku si puder gloriosu,