Isaias 19:3 - BIBLIA - traduson antigu in Krioulo

³ Ejipsius na pirdi koraẑen; N na dana se planus. E na punta se idulus ku jambakusis, diviñaduris ku jinti ku ta konsulta difuntus.

Isaias 19:3 ပူးပေါင်းရင်းမြစ်များ

2 Samuel 15:31

Jinti konta Davi kuma Aitofel tambi sta juntu ku kilis ku ravolta ku Absalon. Asin Davi ora, i fala: “SIÑOR, kunfundi konsiju di Aitofel.”

2 Samuel 17:14

Absalon ku tudu omis di Israel e fala: “Konsiju di arkita Usai i minjor di ki konsiju di Aitofel.” I SIÑOR ku staba tras des, pa pudi kunfundi ki bon konsiju di Aitofel, pa tisi mal riba di Absalon.

2 Samuel 17:23

Oca Aitofel oja kuma jinti ka na sigi si konsiju, i purpara si buru, i lanta, i bai pa si kasa na si propi prasa, i ruma tudu si asuntus ku familia, i bai nforka si kabesa, i muri, i nteradu na koba di si pape.

2 Reis 1:2

Akazias kai na un kuartu altu di si kasa na Samaria, i molosta. I manda jinti, i fala elis: “Bo bai punta Baal-Zebub, deus di Ekron, si kontra N na bin san.”

1 Kronikas 10:13

Asin Saul muri pabia i ka seduba fiel pa SIÑOR; i kebra lei di SIÑOR, i ka guarda si palabra. I bai buska konsiju na mon di minjer ku ta papia ku spiritus di jinti ku muri,

Salmus 107:27

E yanda, e singa-singa suma camiduris; se jitu ka bali elis nada.

Salmus 33:10

SIÑOR ta dana planus di nasons, i ta maina kusas ku jinti pensa fasi.

Salmus 76:12

I ta kebra spiritu di ŝefis; reis di mundu ta ten medu del.

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Isaias 14:27

SIÑOR ku ten tudu puder i fasi si planu; kin ku pudi tujil? Si mon sta distindidu; kin ku pudi ribantal pa tras?

Isaias 15:2

Jinti di Dibon subi pa templu na kaus altu pa cora. Jinti di Moab na pupa pabia di Nebu ku Medeba. Tudu omis rapa kabesa ku barba.

Isaias 19:1

Es i rekadu di Deus aserka di Ejitu. Jubi, SIÑOR na bin dipresa, montadu riba di nuven; i na bin pa Ejitu. Idulus di Ejitu na tirmi si dianti; koraẑen di ejipsius na ribi dentru delis.

Isaias 44:25

N ta mainanta palabras di anunsiaduris di mintida; N tulusi diviñaduris. N ta ribanta jinti jiru pa tras, N pui se kuñisimentu pa i sedu bakatela.

Isaias 47:12

“Pega tesu na bu jambakusndadi, ku ki multidon di bu futis ku bu tarbaja ku el disna di bu nobresa, pa bu jubi si bu pudi tira purbitu nel, o si bu pudi miti jinti medu.

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Isaias 8:19

Jinti pudi fala bos pa bo bai punta diviñaduris ku jinti ku ta papia ku mortus, ku ta subia suma kacus o e bulbuli boka suma e na papia. Nta jinti ka dibi di punta se Deus? Mortus ta puntadu pa fabur di bibus?

Jeremias 46:15

Ke ku manda Apis, bu deus turu, batidu? I ka pudi firma pabia SIÑOR batil.’

Ezekiel 21:7

Ora ke puntau ke ku manda bu na jimi, bu ta fala elis: ‘Pabia di nobas ku na bin. Tudu korson na dismaja, tudu mon na bida moli, tudu jinti na sta na kasabi, tudu juju na tirmi.’ E kusas na bin, e ten ku sedu. I SIÑOR Deus ku fala.”

Ezekiel 22:14

Nta na dia ku N trata ku bo, bu korson na fika forti? Bu mon na ten forsa inda? Ami, SIÑOR, N fala e kusa; N na fasil.

Daniel 1:20

Tudu asuntu ku rei punta elis ku ta iziẑi kuñisimentu ku ntindimentu, i ta oja elis des bias mas jiru di ki tudu diviñaduris ku jambakusis ku staba na tudu si renu.

Daniel 2:2

I manda coma diviñaduris, jambakusis, pauterus ku astrologus, pa e pudi konta rei ke ki suña. E bin pursenta dianti di rei.

Daniel 5:7

I grita pa jinti tisil jambakusis, astrologus ku pauterus. Oca ku ki konsijaduris di Babilonia yentra, rei fala elis: “Kualker algin ku lei e skritura, i kontan si signifikadu, i na bistidu ropa purpura, i na pudu fiu di uru na garganti, i na sedu terseru omi di puder na renu.”

1 Samuel 25:37

Parmaña, oca biñu kaba na Nabal, si minjer splikal tudu ku pasa. I dismaja, i fika suma pedra.