Isaias 19:2 - BIBLIA - traduson antigu in Krioulo

² “N na cuci ejipsius pa e lanta kontra ŋutru; kada un na geria kontra si ermon. Visiñu na lanta kontra visiñu, prasa kontra prasa, renu kontra renu.

Isaias 19:2 ပူးပေါင်းရင်းမြစ်များ

1 Reis 16:21

Pobu di Israel bin dividi na dus partidu; metadi staba na ladu di Tibni, fiju di Jinat, pa fasil rei; utru metadi staba na ladu di Onri.

2 Kronikas 15:6

Un pobu na lanta kontra utru, un prasa kontra utru, e na kalka ŋutru, pabia Deus kansa elis ku tudu koldadi foronta,

Isaias 3:5

Kada kin na kalka si kumpañer; mininus na lanta kontra garandis; kilis ku ka sedu nada e na lanta kontra jinti di rispitu.

Isaias 9:21

Manasés ku Efrain na ataka ŋutru. Dipus e na junta kontra Judá. Mesmu asin raiba di SIÑOR ka kalma, ma si mon sta inda yalsadu.

Jeremias 46:12

Nasons obi aserka di bu borgoña; bu gritu inci tera. Omi forti da tapada na si kumpañer; e kai juntu.”

Jeremias 51:46

Ka bo disanima nin ka bo medi pabia di nobas ku ta obidu na tera. I ta bin nobas na un anu, utru anu i ta bin utru nobas, di violensia na tera, di un rei kontra utru.

Ezekiel 38:21

Asin ku ami, SIÑOR Deus, N fala: N na coma spada kontra Gog riba di tudu ña montis. Spada di kada un na riba kontra si ermon.

Zakarias 8:10

Antis di ki tempu ningin ka tenba manera di paga tarbaju ku omi o limaria fasi pa el; i ka tenba pas pa jinti yanda pa fasi tarbaju pabia di inimigu, pabia N cuci tudu jinti, kada un kontra si kumpañer,

Mateus 10:21

“Un ermon na bin ntrega si propi ermon pa i matadu; papes na ntrega se propi fijus; fijus na lanta kontra papes, e na pui pa e matadu.

Mateus 10:36

Asin inimigu di algin i ta sedu si propi familia.

Mateus 12:25

Jesus ntindi se pensamentus, i fala elis: “Tudu renu ku dividi kontra si kabesa, i ta danadu. Tudu prasa, o familia, ku dividi kontra si kabesa, i ka ta nguenta.

Mateus 24:7

Nason na lanta kontra nason, renu kontra renu. I na ten fomi ku tirmidura di con na manga di kau,

Markus 3:24

Si jinti di un renu e dividi entri elis, ki renu ka pudi nguenta.

Ŝefis 7:22

Oca ki trizentus na toka korneta, SIÑOR pui jinti na tudu ki kampamentu pa e vira spada kontra ŋutru. Tropas rinka kuri pa Zererá, te na Bet-Sita, te na frontera di Abel-Meolá, pertu di Tabat.

Ŝefis 9:23

Deus manda un spiritu mau na metadi del ku jinti di Siken. Ki jinti di Siken bin falsial.

1 Samuel 14:16

Sintinelas di Saul na Jibeá di Benjamin e oja ki multidon di tropas na pajiga, e na kurkuri, e na maja ŋutru na kunfuson.

1 Samuel 14:20

Dipus i junta tudu si tropas; e bai pa gera, e oja kuma filisteus na mata ŋutru ku spada; kunfuson ciu ba tok i pasa.