Isaias 19:14 - BIBLIA - traduson antigu in Krioulo

¹⁴ SIÑOR darma na se metadi un spiritu di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura.

Isaias 19:14 ပူးပေါင်းရင်းမြစ်များ

2 Kronikas 18:22

“Gosi, bu pudi oja kuma ku SIÑOR pui un spiritu di mintida na boka des bu anunsiaduris li. SIÑOR i marka ja mal pa bo.”

Jo 12:16

I el ku ten forsa ku jiresa; kil ku yara ku kil ku pui utru yara, elis dus i di sil.

Jo 12:25

E na yanda, e na palpa na sukuru, sin klaridadi. I ta pui elis e singa-singa suma camidur.

Ditus 12:8

Si algin sedu jiru, i na ngabadu, ma kil ku tene menti tortu i na njutidu.

Isaias 19:2

“N na cuci ejipsius pa e lanta kontra ŋutru; kada un na geria kontra si ermon. Visiñu na lanta kontra visiñu, prasa kontra prasa, renu kontra renu.

Isaias 24:20

Mundu na singa-singa suma algin ku cami, i na balansa suma baraka na bentu. Si pekadu na pesa riba del; i na kai; nunka mas i ka na lanta.

Isaias 29:14

Ali N na fasi mas utru kusa pa dimira e pobu, un kusa maravilyosu ku na pantanda elis. Jiresa di se jirus na disparsi; se jinti ntindidu na pirdi se ntindimentu.”

Isaias 3:12

Mininus na kalka ña pobu; minjeris ku na guberna. A, ña pobu! Kilis ku na giau e na nganau, e na disviantau di kamiñu ku bu dibi di sigi.

Isaias 9:16

Kilis ku ta gia e pobu e ta ngana elis; ki jinti ke na gia e sta pirdidu.

Jeremias 25:27

SIÑOR mandan pa N fala elis: “Asin ku ami, SIÑOR ku ten tudu puder, Deus di Israel, N fala: Bo bibi, bo cami, bo ramasa, bo kai; bo ka na torna lanta, pabia di spada ku N na manda na bo metadi.”

Jeremias 48:26

“Bo caminti Moab, pabia i lanta kontra SIÑOR. I na rola na si ramasadura; jinti na ril.

Mateus 17:17

Jesus ruspundi, i fala: “Abos i jinti mofinu ku ka ten fe! Te kal tempu ku N ten ku fika ku bos? Te kal tempu ku N na nguenta bos? Bo tisin el li.”

2 Tesalonisensis 2:11

E ku manda Deus na manda puder di nganu pa tarbaja nelis, pa e fia na mintida,

Ŝefis 9:23

Deus manda un spiritu mau na metadi del ku jinti di Siken. Ki jinti di Siken bin falsial.