Isaias 18:7 - BIBLIA - traduson antigu in Krioulo

⁷ Tempu na ciga ku SIÑOR ku ten tudu puder na lebadu oferta di ki tera ku rius dividi, di ki pobu altu ku peli ku ta lampra, ku jinti di lunju ku kilis di pertu ta sinti medu delis, un nason forti ku ta lestu pa geria. E na leba ki oferta pa monti di Sion, ki lugar ku tene nomi di SIÑOR ku ten tudu puder.

Isaias 18:7 ပူးပေါင်းရင်းမြစ်များ

2 Kronikas 32:23

Manga di jinti bin pa Jerusalen, e tisi ofertas pa SIÑOR, ku kusas di balur pa Ezekias, rei di Judá. Disna di ki tempu Ezekias ngaña rispitu dianti di uju di tudu nasons.

Salmus 68:32

Abos, renus di mundu, bo kanta pa Deus; bo kanta pa ngaba SIÑOR, Sela

Isaias 16:1

Di prasa di Sela, na lala, bo manda fiju di karnel te na monti di pobu di Sion, pa kil ku na manda na tera.

Isaias 18:2

Di ki tera e ta manda mbaŝaduris pa bai bias di mar na barkus di ki paja ku ta nasi na riu. Abos ku ta bai kinti-kinti ku rekadu, bo bai pa un nason di omis altu ku peli ku na lampra, ku jinti di lunju ku kilis di pertu ta sinti medu delis, un nason forti ku ta lestu pa geria; rius ta dividi se tera.

Isaias 18:4

SIÑOR papia ku mi i falan: “Ora ku N na jubi di ña morada, N na sta ketu, suma kalur di sol ku na lampra, suma serenu ku ta forma na kalur di tempu di kebur.

Isaias 45:14

SIÑOR fala Israel: “Rikesa di Ejitu ku lukru di jilas di Etiopia na sedu di bo; ki omis altu di Seba na bin sedu bu katibus. E na pega bu tras, maradu ku korenti; e na mpina bu dianti pa rogau, e fala: ‘Na bardadi Deus sta na bo metadi; i ka ten mas utru deus fora del!’ ”

Mikeias 4:13

O pobu di Sion, bo lanta, bo masa, pabia N na fasiu suma turu ku tene cifri di feru ku uñas di kobri, pa kebranta manga di nason. Ki se rikesa ngañadu ku tarpasa i na dedikadu pa mi, SIÑOR di tudu mundu.

Abakuk 1:7

E sedu jinti duru, meduñu dimas. Na se orgulyu e ta fasi se propi leis.

Sofonias 3:10

Utru jinti ku ta adoran, ña pobu ku pajigadu te na utru ladu di rius di Etiopia, e na bin di la, e tisin sakrifisiu.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Mateus 2:11

E yentra na kasa, e oja mininu ku Maria, si mame; e mpina, e adora Jesus. Dipus e pursenta kusas ke leba pa patil: uru, nsensu ku mira.