Isaias 17:7 - BIBLIA - traduson antigu in Krioulo

⁷ Dia na ciga ku omi na jubi pa kil ku kumpul, i na pui uju na Deus Santu di Israel.

Isaias 17:7 ပူးပေါင်းရင်းမြစ်များ

2 Samuel 22:42

E buska ajuda, ma i ka ten kin ku na libra elis; e coma SIÑOR, ma i ka kudi elis.

2 Kronikas 31:1

Oca ku tudu kaba ja, israelitas ku staba la e sai pa prasas di Judá, e kebra kulunas sagradu, e tira idulus di Aserá, e bati kaus altu ku altaris na tudu tera di Judá ku Benjamin, suma tambi na tera di Efrain ku Manasés; e dana ki kusas tudu. Dipus, tudu fijus di Israel riba pa se prasas, kada kin pa si kau.

Salmus 95:6

Bo bin, no mpina no adoral; no finka juju dianti di SIÑOR ku kumpunu,

Isaias 19:22

SIÑOR na kastiga ejipsius, i na kura elis. E na konverti pa SIÑOR; i na obi se orasons, i na kura elis.

Isaias 22:11

Bo kumpu tambi un kau di guarda yagu na metadi di dus mura, pa paña yagu ku na bin di lagua antigu, ma bo ka jubi pa riba, pa Deus ku kumpul, nin bo ka pensa na ki algin ku formal na tempu antigu.

Isaias 29:24

Kilis ku ta yara na se spiritu e na ngaña ntindimentu; kilis ku ta keŝa e na seta nsinamentu.”

Oseias 3:5

Dipus fijus di Israel na buska SIÑOR se Deus, ku Davi, se rei. Na ultimu dias e na ten medu di SIÑOR, e bin buska si bondadi.

Oseias 6:1

Jinti fala: “Bo bin, no riba pa SIÑOR, pabia i padasanu, ma i na kuranu; i molostanu ma i na mara no caga.

Amos 3:12

Asin ku SIÑOR fala: “Suma ku bakiadur ta libra na boka di lion son dus os di perna ku un padasiñu di oreja, asin ku fijus di Israel na libradu, kilis di Samaria ku sinta na ladu di kama o na kantu di divan.”

Mikeias 7:7

Ma ami, N na spera pa SIÑOR, N na pui ña speransa na Deus ña Salbadur. Ña Deus na obin.