Isaias 17:13 - BIBLIA - traduson antigu in Krioulo

¹³ Nin ku nasons na somna suma maron, Deus na raprindi elis; e na kuri pa lunju. E na kurintidu suma paja di monti dianti di bentu, suma bolon dianti di turbada.

Isaias 17:13 ပူးပေါင်းရင်းမြစ်များ

Jo 21:18

Kantu bias ke ta lebadu suma paja dianti di bentu o di urdumuñu? Kuas nunka!

Jo 38:11

N falal: ‘Te li ku bu na ba ta bin; bu ka na pasa mas dianti; li ku forsa di bu maron na para.’

Salmus 1:4

I ka asin ku jinti mau ta sedu; ma e parsi suma paja ku bentu ta pajiga.

Salmus 35:5

Pa e sedu suma paja ku bentu na buanta, nkuantu anju di SIÑOR na serka elis!

Salmus 65:7

Bu ta kalma baruju di mar, ku turmenta di maron, ku jumbulumani di jinti.

Salmus 65:8

Kilis ku mora na kau lunju e ten medu di kusas garandi ku bu fasi. Si sol mansi o i na kai, bu ta pui elis kanta ku alegria.

Salmus 9:5

Bu raprindi nasons, bu kaba ku jinti mau; bu riska se nomi pa sempri.

Isaias 14:25

N na kebranta Asiria na ña tera, N na masal na ña montañas, pa si kanga sai riba di ña pobu, pa si kargu tiradu na se ombras.”

Isaias 21:15

E na kuri pa kapli di spada ku tiradu na baiña, pa kapli di mansasa yarmadu, ku pirigu di gera.

Isaias 22:18

I na dobrau, i fasiu suma bola, i botau na un tera garandi, largu. La ku bu na muri; ki karus ku bu ta ronka ku el, la ke na fika. Abo i borgoña pa kasa di bu mestre.

Isaias 27:1

Na ki dia SIÑOR na toma si spada garandi, forti, duru, i kastiga Leviatan, ki serpenti ku ta rasta dipresa, ki serpenti ku ta fasi manobra ku kurpu; i na mata ki dragon ku sta na mar.

Isaias 29:5

Ki bu manga di inimigu na bida suma reia finu; multidon di jinti meduñu e na bua suma kaska di arus. Di repenti, sin ningin ka spera,

Isaias 30:28

Si folgu i suma korenti di yagu ku na inci dipresa tok i ciga na garganti. I ta pineria nasons ku pineria di distruison; i pui freiu na boka di jinti ku na fasi elis pa e yara.

Isaias 34:17

I el propi ku midi tera, i rapatil entri elis, kada kin ku si parti. I na pasa di pape pa fiju; e na tenel pa sempri.

Isaias 40:15

SIÑOR ta jubi nasons suma pingu di yagu na baldu, suma puera na balansu; i ta pesa jius suma mon di reia.

Isaias 40:24

E sta suma planta ku kumsa sumiadu, ku si rais ka sta suguru na con. Deus ta supra riba delis; e ta seku; bentu ta buanta elis suma paja seku.

Isaias 41:11

“Tudu kilis ku raiba kontra bo e na kunfundidu, e na pasantadu borgoña; kilis ku lanta kontra bo e na pirdi, e na sedu suma nada.

Isaias 8:7

asin SIÑOR na bin tisi rei di Asiria riba delis ku tudu si ronku, suma yagu di riu Eufrates ku na kuri ku garandi forsa, i na inci riu tok i darma pa tudu ladu.

Daniel 2:35

Ki feru, lama, kobri, prata ku uru e kebra-kebradu tudu juntu, e bida suma paja na kau di masa arus na tempu di kebur. Bentu lebal tok i ka ojadu nin un padas, ma pedra ku suta ki statua i bida montaña garandi, tok i inci tudu mundu.

Oseias 13:3

E ku manda e na sedu suma nuven di parmaña, ki serenu di mandrugada ku ta pasa sedu, suma ki paja ku bentu ta leba na kau di masa arus, o suma fumu ku na sai na janela.

Sofonias 2:2

antis di ordi sai, pabia dia na pasa suma paja ku na baridu; bo junta antis di raiba di SIÑOR bin riba di bos; sin, antis di dia di raiba di SIÑOR bin riba di bos.