Isaias 17:10 - BIBLIA - traduson antigu in Krioulo

¹⁰ Bu diskisi di Deus ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

Isaias 17:10 ပူးပေါင်းရင်းမြစ်များ

1 Kronikas 16:35

Bo fala: “O Deus no Salbadur, salbanu, bu juntanu, bu libranu di nasons, pa no pudi gardisiu, no ngaba bu nomi sagradu ku kontentamentu.”

Salmus 106:13

I ka tarda, e diskisi ke ki fasi, e ka pera pa si konsiju.

Salmus 106:21

E diskisi di Deus se Salbadur, ku fasiba garandi kusas na Ejitu,

Salmus 18:2

SIÑOR i ña roca, ña lugar forti, ña Libertadur, ña Deus, ña kau suguru ku N fiansa nel; el i ña tajadera, forsa di ña salbason, ña kau altu di sukundi.

Salmus 31:2

Mpina bu oreja pa mi, bu libran kinti-kinti, bu sedu ña roca firmi, un kau forti pa salban.

Salmus 65:5

Bu ta ruspundinu ku kusas meduñu ku bu fasi ku retidon, o Deus di no salbason. Abo i speransa di jinti di tudu parti di mundu, ku kilis ku sta lunju, riba di mar.

Salmus 79:9

Judanu, o Deus no Salbadur, pa gloria di bu nomi; libranu, bu purdanu no pekadus pa amor di bu nomi.

Salmus 85:4

O Deus no Salbadur, ribantanu. Bu ka staba kontenti ku nos, ma disa kila.

Salmus 9:17

Jinti mau na botadu na mundu di mortus, ku tudu nasons ku diskisi di Deus.

Isaias 12:2

Na bardadi, Deus i ña salbason; N na fiansa, N ka na medi, pabia SIÑOR Deus i ña forsa, el i ña kantiga, gosi i sedu ña salbason.”

Isaias 17:9

Na ki dia, prasas forti na sedu suma ki kaus di matu o riba di montañas ku jinti bandona oca ku pobu di Israel yentra na Kanaan. Kau na bida suma lala.

Isaias 18:5

Antis di tempu di kuji uvas, ora ku flor kai ja, uvas verdi na kusidu, ki inimigu na poda ramus nobu, i korta ramus ku na laga, i tira elis.

Isaias 25:4

Bu sedu kau forti pa koitadi na si foronta, kau di suguransa pa kil ku ten falta. Bu sedu kau di sukundi di turbada, sombra na ora di kalur, pabia folgu di jinti ku ta kalka utrus i suma turbada ku na suta mura,

Isaias 26:4

Bo fiansa na SIÑOR pa sempri, pabia SIÑOR Deus i sedu roca ku ka ten kumsada nin kabantada.

Isaias 30:29

Ma na bo metadi i na ten kantiga, suma na noti di festival sagradu. Bo korson na kontenti suma di kilis ku na sai e na toka flauta pa bai pa monti di SIÑOR, pa Deus ku sedu Roca di Israel.

Isaias 33:2

SIÑOR, ten pena di nos; i na bo ku no na pera. Kada parmaña bu ta sedu no forsa, suma tambi no salbason na ora di foronta.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 51:13

Kuma ku bu diskisi di SIÑOR ku kumpou, kil ku distindi seu, ku pui alisersu di tera? Pabia di ke ku bu ta ten medu tudu dia di raiba di bu kastigadur, ora ki na purpara pa kaba ku bo? Ki raiba, nunde ki sta nel gosi?

Isaias 61:10

N na kontenti dimas na SIÑOR; ña korson sta alegri na ña Deus, pabia i bistin ku ropa di salbason, i kubrin ku manta di retidon, suma noivu ku ta faja kabesa suma saserdoti, o suma noiva ku ta faja ku si pedras di balur.

Isaias 62:11

Es i kusa ku SIÑOR anunsia te na parti mas lunju di mundu: “Bo fala prasa di Sion: ‘Ali bu Salbadur na bin. Jubi, i na bin ku si pagamentu; rusultadu di si tarbaju na bin si dianti.’ ”

Jeremias 12:13

E sumia trigu, e kebra fididas. E kansaba, ma e ka oja purbitu. Bo kebur na tisi borgoña pa bos, pabia di raiba garandi di SIÑOR.”

Jeremias 17:13

O SIÑOR, Speransa di Israel! Tudu kilis ku disau e na ten borgoña. Kilis ku lunjusi di bo, se nomis na skirbidu na reia, pabia e bandona SIÑOR ku sedu fonti di yagu ku ta da vida.

Jeremias 2:32

Nta un bajuda ta diskisi di si fajamentu? O noiva ta diskisi di si veu? Ma ña pobu diskisi di mi pa manga di dia.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Ezekiel 22:12

Utru di bu jinti e risibi suku di bas pa mata algin; e toma juru, e kobra ciu dimas; e fasi ruñesa pa se visiñu, e kalkal. Bu diskisi di mi. Asin ku SIÑOR Deus fala.

Ezekiel 23:35

“E ku manda ami, SIÑOR Deus, N fala: Suma ku bu diskisi di mi, bu botan tras di bu kosta, bu na karga bu kurupson ku susidadi.”

Oseias 4:6

Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti. “Suma ku bu diskisi di lei di bu Deus, ami tambi N na diskisi di bu fijus.

Oseias 8:14

Israel diskisi di si Kriadur, i kumpu palasius; Judá kumpu manga di prasa fortifikadu, ma N na manda fugu riba di se prasas ku na kaba ku se palasius.”

Joel 1:17

Simentera bida podri bas di con; bembas danadu, armazens batidu, pabia di trigu ku seku.

Sirmonias 26:16

nta ami tambi N na fasi bos e kusa. N na pui pa bo panta di repenti, pa bo tene tuberkulosi, ku febri altu ku na dana bo uju; i na tira bo vida puku puku. Bo na sumia amonton, pabia bo inimigus na kumel tudu.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Amos 5:11

Bo ta masa koitadi, bo pul pa i paga mpustu di miju. Pabia di kila, bo na kumpu kasas bonitu di pedra, ma bo ka na mora nelis; bo na paranta bon ortas di uva, ma bo ka na bibi se biñu.

Abakuk 3:18

ma inda asin, N na fika alegri na SIÑOR, N na kontenti ku Deus ña Salbadur.

Sofonias 1:13

Se rikesa na furtadu, se kasas na danadu. E na kumpu kasas ma e ka na sinta nelis; e na paranta ortas di uva, ma e ka na bibi biñu delis.

Ripitison di Lei 28:30

Bu na tene kumprumis pa kasa ku minjer, ma utru omi na dita ku el; bu na kumpu kasa ma bu ka na mora nel; bu na paranta orta di uva, ma bu ka na kume si fruta.

Ripitison di Lei 32:15

Jesurun taka, i da ponta-pes; i farta kumida, i bida gurdu. I disa Deus, kil ku kumpul; i nega Roca ku salbal.

Ripitison di Lei 32:18

Bu diskisi di Roca ku padiu, bu ka mporta ku Deus ku formau.

Ripitison di Lei 32:31

Pabia roca di no inimigus i ka suma no Roca; no inimigus propi e sibi kila.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Ripitison di Lei 6:12

Ora ki yentrandau la, toma sintidu pa bu ka diskisi di SIÑOR, kil ku tirau di katiberasku na tera di Ejitu.

Ripitison di Lei 8:11

Toma sintidu pa ka diskisi SIÑOR bu Deus, tok bu para obdisi si mandamentus, leis ku regras ku N na dau aos.

Ripitison di Lei 8:14

toma sintidu pa ka bu korson inci ku orgulyu tok bu diskisi di SIÑOR bu Deus ku tirau di Ejitu, tera di katiberasku.

Ripitison di Lei 8:19

Si bu diskisi di SIÑOR bu Deus, bu yanda tras di utru deusis, bu mpina se dianti pa adora elis, N na avisa bos di kuma i ka na maina, bo na kabadu ku el.