Isaias 16:10 - BIBLIA - traduson antigu in Krioulo

¹⁰ Alegria ku kontentamentu kuri di orta di fruta. Gosi e ka ta kanta nin grita ku kontentamentu na ortas di uva, nin e ka ta masa uva na kau di tira biñu. N kaba ku ki gritus di kontentamentu.

Isaias 16:10 ပူးပေါင်းရင်းမြစ်များ

Jo 24:11

Na kintal di ki jinti e ta pirmi azeitonas pa tira azeiti. E ta masa uvas na kau ki ta masadu, ma e ka pudi bibi ki biñu, e ta fika ku sedi.

Isaias 24:11

Na ruas e na grita pa biñu; tudu kontentamentu bida sukuru; gozu baridu fora di tera.

Isaias 32:10

Si i pasa un anu ku dias, abos minjeris ku sta suguru bo na fika tarpajadu, pabia orta di uva ka na padi, bo ka na kuji nada.

Jeremias 48:33

Kontentamentu ku alegria tiradu na tera riku di Moab. N pui biñu pa i para kuri na kau di masa uva. Gosi ja, jinti ka ta masa uvas ku gritus di kontentamentu. Gritus pudi ten, ma e ka na sedu di kontentamentu.

Ezekiel 7:7

Abo ku mora na tera, kondenason na bin pa bo. Tempu na bin; dia di kunfuson ciga riba di montis; kontentamentu ka ten ja.

Joel 1:12

Pe di uva seku, figera lati, suma romera tambi, ku palmera ku masiera; tudu arvuris di matu seku; kontentamentu di jinti seku tambi.

Amos 5:11

Bo ta masa koitadi, bo pul pa i paga mpustu di miju. Pabia di kila, bo na kumpu kasas bonitu di pedra, ma bo ka na mora nelis; bo na paranta bon ortas di uva, ma bo ka na bibi se biñu.

Amos 5:17

Jinti na cora na tudu ortas di uva, pabia N na pasa na bo metadi.” Asin ku SIÑOR fala.

Amos 9:13

SIÑOR fala mas: “Dias na bin ku kil ku na labra na yangasa kil ku na kebra. Kil ku na masa uvas na yangasa kil ku na sumia. Na montis ku montisiñus i na ten manga di biñu nobu.

Sofonias 1:13

Se rikesa na furtadu, se kasas na danadu. E na kumpu kasas ma e ka na sinta nelis; e na paranta ortas di uva, ma e ka na bibi biñu delis.

Ŝefis 9:27

Un dia e bai pa orta, e bai kuji uvas, e pirmi elis, e fasi sirmonia, e bai pa baloba di se deus, e kume, e bibi, e na papia mal di Abimelek.