Isaias 15:2 - BIBLIA - traduson antigu in Krioulo

² Jinti di Dibon subi pa templu na kaus altu pa cora. Jinti di Moab na pupa pabia di Nebu ku Medeba. Tudu omis rapa kabesa ku barba.

Isaias 15:2 ပူးပေါင်းရင်းမြစ်များ

2 Samuel 10:4

Asin Anun paña ki omis di Davi, i rapa elis metadi di barba, i korta se ropa te na rabada, i dispidi elis.

1 Kronikas 19:4

Asin Anun paña ki omis di Davi, i rapa elis, i korta se ropa te na rabada, i manda elis pa e bai.

Jo 1:20

Jo lanta, i rumpi si manta, i rapa si kabelu, i mborka na con, i ngaba Deus,

Isaias 14:31

O porton, pupa! O prasa, grita! Abo, Filistia, tirmi! Di norti i na bin un fumansa di tropas; ningin ka na sai na fila.

Isaias 15:3

Na ruas e bisti sakus; la riba di se kasas, tambi na kaus di nkontru na prasas, e na yanda e na pupa, e na cora ciu dimas.

Isaias 16:12

Ora ku Moab bai pursenta na kaus altu, i ta kansa dimas; si i yentra na si baloba pa ora, nada i ka ta oja.

Isaias 16:7

Moabitas na pupa, elis tudu e na cora pa Moab. Bo jimi, bo sinti tristesa garandi, pabia di bulus di uvas seku di Kir-Areset.

Isaias 22:12

SIÑOR, SIÑOR ku ten tudu puder, i coma bos na ki dia pa bo cora, bo miskiña, bo rapa kabesa, bo mara saku.

Isaias 3:24

Minjer ku ta cera di purfumu i na bin cera mal; kil ku ta pui sintu bonitu i na maradu ku korda; kil ku ta ronka ku moda di kabelu i na bida kareka; kil ku ta pui bistidu kumpridu i na bisti saku; kemadura na toma lugar di bonitasku.

Jeremias 3:21

Na kaus altu i obidu un vos, ku sedu di fijus di Israel ku na cora, e na roga, pabia e yanda mal dimas, e diskisi di SIÑOR se Deus.

Jeremias 47:2

asin ku SIÑOR fala: “Jubi! Yagu na lanta la na norti, i na bida korenti ku na darma, i na kubri tera ku tudu ku sta nel, ku prasa ku jinti ku mora nel. Omis na grita; tudu jinti ku mora la e na cora.

Jeremias 47:5

Gaza na rapa si kabesa suma na cur; Askelon na fika mudu. Te kal dia ku restu di jinti di kobon na laña se kurpu na cur?

Jeremias 48:1

Aserka di Moab: Asin ku SIÑOR ku ten tudu puder, Deus di Israel, fala: “Ai di Nebu, pabia i kabadu ku el. Kiriatain sta na borgoña, pabia i tomadu ja. Kau forti di Misgab sta na borgoña, i batidu.

Jeremias 48:18

“Abo ku mora na Dibon, ria na bu kau di gloria, bu sinta na tera seku, pabia danadur di Moab bin kontra bo, i dana bu kaus forti.

Jeremias 48:31

Asin N na jimi pa Moab; sin, N na grita pa tudu Moab. N na cora pa omis di Kir-Eres.

Jeremias 48:35

Na Moab N na kaba ku jinti ku ta sakrifika na kaus altu, e kema nsensu pa se deusis.” Asin ku SIÑOR fala.

Jeremias 49:3

Abos, pobu di Esbon, bo pupa, pabia prasa di Ai i kabadu ku el. Jinti di Rabá, bo grita, bo mara saku, bo cora, bo kuri, bo da volta dentru di muras, pabia Milkon na bai katibu, juntu ku si saserdotis ku si ŝefis.

Jeremias 7:29

“Jerusalen, korta bu kabelu, bu botal, bu pega na cora riba di montis, pabia SIÑOR nega, i bandona pobu ku lantanda si raiba.”

Ezekiel 27:31

E na rapa se kabesa pabia di bo, e na bisti saku, e na cora riba di bo ku tristesa di korson ku miskiñu.

Ezekiel 30:2

“Fiju di omi, anunsia, bu fala kuma SIÑOR Deus fala: ‘Bo jimi bo fala: “Ai! Ki dia ku na bin!”

Ezekiel 7:18

E na bisti saku, e na tirmi desdi kabesa te na pe. Se rostu na kubridu ku borgoña; se kabelu na rapadu tudu.

Sirmonias 13:40

“Si un omi pirdi kabelu, i fika karekadu, i sta puru na mesmu.

Sirmonias 21:5

“Saserdotis ka na rapa se kabelu nin ladus di se barba, nin e ka na laña se kurpu na cur.

Amos 8:10

“N na pui bo festivalis ku tudu bo kantigas pa e bida cur; N na pui pa bo mara saku, bo rapa kabesa. N na fasil suma cur di uniku fiju; si kabantada na sedu dia di kasabi.”

Numerus 21:28

“Tropas sai di Esbon suma fugu, e sai di prasa di Sion suma ŝama, e kaba ku Ar di moabitas, ku moraduris di kaus altu di Arnon.

Numerus 21:30

“Ma anos no ngaña elis. Esbon i kabadu ku el te na Dibon. No kaba ku elis te na Nofá ku ta bai te na Medeba.”

Numerus 32:3

“Atarot, Dibon, Jazer, Ninra, Esbon, Elealé, Seban, Nebu ku Beon,

Numerus 32:38

Nebu, Baal-Meon ku Sibma. E muda nomi di ki prasas, e pui utru nomis.

Ripitison di Lei 14:1

Bo sedu fijus di SIÑOR bo Deus. Ka bo laña bo kurpu, nin ka bo rapa kabelu na parti di frenti di bo kabesa pabia di algin ku muri.

Ripitison di Lei 34:1

Moisés sai na kau rasu di Moab, i bai pa monti Nebu, i subi na ponta mas altu di Pisga, filadu ku Jerikó. SIÑOR mostral tudu tera desdi Jilead te na Dan,