Isaias 15:1 - BIBLIA - traduson antigu in Krioulo

¹ Es i rekadu di Deus aserka di Moab. Na bardadi, na un noti, prasas di Ar ku Kir na tera di Moab e danadu, e kabadu ku el.

Isaias 15:1 ပူးပေါင်းရင်းမြစ်များ

2 Reis 3:25

e dana se prasas. Kada omi ta botaba pedra na tudu bon kaus di labra, tok e kubridu tudu. E tapa tudu fontis di yagu, e korta tudu bon arvuris. Son prasa di Kir-Areset ku sobraba ku si kasas ka danaduba inda, ma omis ku teneba lamparans tajal, e atakal.

Isaias 11:14

ma elis juntu e na ataka filisteus na kaida di sol suma falkon; e na ngaña, e na roba rikesa di jinti di saida di sol, ku sedu Edon ku Moab; fijus di Amon na fika bas delis.

Isaias 13:1

Es i rekadu di Deus aserka di Babilonia ku Isaias, fiju di Amoz, risibi na vison.

Isaias 14:28

Na anu ku rei Akaz muri, e rekadu bin di Deus:

Isaias 16:11

Ña korson na kanta tristi, suma arpa, pa Moab ku Kir-Eres.

Isaias 16:6

No obi di orgulyu di Moab, manera ki orgulyosu dimas; i ta yalsa kabesa ku ronku, i ta njuti utrus, ma i ta njata amonton.

Isaias 16:7

Moabitas na pupa, elis tudu e na cora pa Moab. Bo jimi, bo sinti tristesa garandi, pabia di bulus di uvas seku di Kir-Areset.

Isaias 25:10

Mon di SIÑOR na diskansa riba de monti, ma Moab na masadu bas del, suma ku paja ta masadu na koba di strumu.

Isaias 25:12

I na bati muras altu i forti di Moab; i na durba elis te na con.

Jeremias 9:26

ku sedu Ejitu, Judá, Edon, fijus di Amon ku Moab, ku tudu kilis ku ta korta partis di se kabelu, ku ta mora na lala, pabia tudu e nasons, ku Israel tambi, e ka sirkunsidadu na bardadi, pabia e ka tira impuresa di korson.”

Numerus 21:28

“Tropas sai di Esbon suma fugu, e sai di prasa di Sion suma ŝama, e kaba ku Ar di moabitas, ku moraduris di kaus altu di Arnon.

Ripitison di Lei 2:18

“Aos bu na pasa Ar, na frontera di Moab.

Ripitison di Lei 2:19

Ora ku bu ciga nunde fijus di Amon, ka bu buli elis, nin ka bu pega gera ku elis, pabia N ka na dau nin un parti di se tera pa bu yarda; N dal ja pa fijus di Lo pa e yarda.”

Ripitison di Lei 2:9

SIÑOR falan: “Ka bu buli Moab, nin ka bu pega gera ku el, pabia N ka na dau nin un parti di si tera pa bu yarda. N da ja fijus di Lo prasa di Ar suma yardansa.”