Isaias 14:25 - BIBLIA - traduson antigu in Krioulo

²⁵ N na kebranta Asiria na ña tera, N na masal na ña montañas, pa si kanga sai riba di ña pobu, pa si kargu tiradu na se ombras.”

Isaias 14:25 ပူးပေါင်းရင်းမြစ်များ

2 Kronikas 32:21

SIÑOR manda anju ku mata tudu omis di gera ku kapitons ku ŝefis na kampamentu di rei di Asiria. Rei riba incidu di borgoña pa si tera. Oca ki yentra na baloba di si deus, si propi fijus ki padi e matal la ku spada.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 14:5

SIÑOR kebra bingala di renansa di jinti mau ku na manda riba di utrus.

Isaias 33:1

Koitadi di bo, abo danadur ku ka danadu inda, abo ku ta falsia, ma bu ka falsiadu inda! Ora ku bu kaba dana, bu na danadu; ora ku bu kaba falsia, jinti na falsiau.

Isaias 52:2

O Jerusalen, lanta, bu konkoñi puera, bu sinta na tronu. O pobu di Sion katibu, bo dismanca kordas ku mara bo garganti.

Isaias 9:4

pabia bu kebra kanga ku staba pisadu riba delis, ki po ku na molostaba elis na ombras. Bu kebra forsa di inimigus ku na kalkaba elis suma na ki tempu ku midianitas ngañadu.

Ezekiel 32:22

“Asiria sta la ku tudu si jinti; se kobas sta tudu na roda. Elis tudu e matadu ku spada;

Ezekiel 39:4

Bu na kai na montis di Israel, abo ku tudu bu tropas, ku nasons ku sta ku bo. N na dau pa bu sedu kumida pa limarias di matu, ku tudu koldadi kacus ku ta kume karni.

Mikeias 5:5

El i na tisi pas. Ora ku Asiria bin pa no tera, i romba no palasius, i pasa, no na lantanda na metadi di pobu seti o oitu ŝefis forti pa e bai kontra elis.

Mikeias 5:6

E na bai ku spada, e kaba ku tera di Asiria, ku sedu tera di Ninrod, na si porton di entrada. Asin e na libranu di Asiria, ora ki bin pa no tera, i masa no fronteras.

Naun 1:13

Gosi N na tira se kanga na bu garganti, N kebral; N na sapa bu korentis.”

Zakarias 10:11

E na pasa na mar di foronta; maron na kalmadu; tudu kau fundu di riu Nilu na seku. Orgulyu di Asiria na batidu; bingala di renansa di Ejitu na kabadu ku el.