Isaias 14:19 - BIBLIA - traduson antigu in Krioulo

¹⁹ ma abo bu ka nteradu na bu koba, bu botadu fora suma ramu ku ka bali. Bu kubridu ku mortus ku matadu ku spada, botadu na koba di pedras. Bu difuntu masadu.

Isaias 14:19 ပူးပေါင်းရင်းမြစ်များ

1 Reis 21:19

Bu na falal: ‘Asin ku SIÑOR na puntau: Nta bu mata un omi; gosi bu na toma si yardansa?’ Falal mas: ‘Asin ku SIÑOR fala: Na kau ku kacuris limbi sangi di Nabot, la ku kacuris na limbi tambi bu sangi, sangi di bo propi!’ ”

1 Reis 21:24

Kilis di familia di Akab ku muri na prasa, kacuris na kume elis; kilis ku muri na matu, kacus na kume elis.’ ”

2 Reis 9:25

Jeu fala Bidkar, si kapiton: “Tomal bu botal na terenu di Nabot di Jizreel. Bu lembra kuma ku no na yandaba juntu, ami ku bo, montadu na kabalus, tras di si pape Akab. SIÑOR bin fala e palabra aserka del:

Isaias 13:15

Kin ku pañadu i na matadu ku spada.

Isaias 14:18

“Tudu reis di nasons e dita na kau di rispitu, kada un na si koba bonitu,

Isaias 34:3

Se mortus na botadu, e na fedi. Se sangi na lagua na montis.

Isaias 5:25

E ku manda raiba di SIÑOR na yardi kontra si pobu, i distindi si mon kontra elis, i mata elis. Montañas tirmi; se difuntus i suma muntudu na ruas. Mesmu asin, si raiba ka kalma, ma si mon sta inda yalsadu.

Jeremias 16:6

Rikus ku koitadis na muri ne tera; e ka na nteradu; ningin ka na cora elis, nin laña kurpu nin rapa kabelu pa elis.

Jeremias 22:19

Suma buru ta nteradu, asin ke na nteral; e na rastal, e botal lunju, fora di porton di Jerusalen.”

Jeremias 41:7

Oca ke bai te na metadi di prasa, Ismael, fiju di Netanias, ku omis ku staba ku el, e mata elis, e bota elis na un fonti.

Jeremias 41:9

Ki fonti nunde ku Ismael bota tudu difuntus di omis ki mata, fora di Jedalias, i sedu ki mesmu ku rei Asa koba oca i na difindi kontra Baasa, rei di Israel. I ki fonti propi ku Ismael, fiju di Netanias, inci ku difuntus.

Jeremias 51:4

Mortus na kai na tera di kaldeus, furadu ku spada na rua.

Ezekiel 32:23

se kaus di nteru sta na fundu di mundu di mortus; kobas di tropas rodia si koba. Elis tudu e ta pantandaba jinti na tera di bibus, ma e matadu ku spada.

Ezekiel 32:27

E ka dadu nteru di rispitu suma utru omis di koraẑen ku ria na koba ku se material di gera, ku pui se spadas bas di se kabesa. Se pekadu sta riba di se os, pabia e seduba spantu di utru omis di koraẑen na tera di bibus.