Isaias 13:18 - BIBLIA - traduson antigu in Krioulo

¹⁸ Ku se mansasas e na mata jovens; e ka na mostra amor pa fijus ku kumsa padidu, nin e ka na sinti pena di mininus.

Isaias 13:18 ပူးပေါင်းရင်းမြစ်များ

2 Reis 8:12

Azael puntal: “Siñor, ke ku manda bu na cora?” I fala: “Pabia N sibi mal ku bu na bin fasi fijus di Israel. Bu na pui fugu na se lugaris forti, bu na mata se jovens ku spada, bu na padasa se mininus, bu na yabri bariga di preñadas.”

2 Kronikas 36:17

Asin Deus manda rei di kaldeus pa i ataka elis. Rei mata se jovens ku spada dentru di kau sagradu; i ka sinti pena di jovens macu nin femia, nin di garandis nin di bejotis. Deus ntrega elis tudu na mon di ki rei.

Salmus 127:3

Fijus i yardansa di SIÑOR, i benson ki dau.

Isaias 13:16

Utru omis na kebranta se fijus pikininu na con se dianti, e na abusa na se minjeris; tudu kusas di se kasas na furtadu.

Isaias 47:9

Ma e dus kusa na bin riba di bo ku tudu forsa, na un dia son, na mesmu ora: bu na pirdi fijus, bu na sedu viuva. Nin ku tudu bu futis ku multidon di bu jambakusndadi, e na bin riba di bo.

Isaias 5:28

Se fleŝas gudu; tudu se mansasas tesu. Uñas di se kabalus parsi pedras risu; rodas di se karus e na vira suma urdumuñu.

Jeremias 18:21

Asin, ntrega se fijus pa fomi, bu ntrega elis pa spada; se minjeris pa e robadu se fijus, pa e fika viuvas; se maridus pa e matadu, se jovens pa e matadu ku spada na gera.

Jeremias 5:16

Mortu sta na se saku di fleŝas; elis tudu e sedu omis forti.

Jeremias 50:30

Asin ami, SIÑOR, N fala kuma si jovens na kai na ruas; tudu si tropas na kalantadu na ki dia.

Jeremias 50:42

E na toma se mansasa ku kañaku. E sedu mau, nin e ka ta sinti pena. Si e monta kabalus, e ta somna suma baruju di mar. E sta tudu pruntu pa geria kontra bo, Babilonia.

Jeremias 51:22

omi ku minjer, beju ku nobu, rapas ku bajuda,

Jeremias 6:23

E na bin ku mansasa ku kañaku; e sedu jinti mau ku ka ta ten pena di ningin. Ora ke bin montadu na kabalus, se baruju na sedu suma di mar. Sion, e na bin ku ordi, pruntu pa geria kontra bo.”

Ezekiel 9:10

Asin, ami N ka na purda ningin, nin N ka na ten pena del. N na pui kusas ke fasi pa e kai riba di se kabesa.”

Daniel 7:5

Oca ku N na jubiba inda, N oja ña dianti sugundu limaria ku parsi ku ursu. I lanta di un ladu; na si boka i tene tris kostela na si dintis. I faladu: “Lanta, bu kume karni ciu.”

Oseias 13:16

Samaria na kastigadu pa si kulpa, pabia i ravolta kontra si Deus. Si moraduris na matadu ku spada, se fijus na botadu ku forsa na con, se minjeris preñada na findidu.”

Naun 2:1

Ninive, ala danadur na bin kontra bo! Guarda bu kau forti, bu bisia kamiñu, bu pruntia, bu junta tudu bu forsas.

Naun 3:10

ma si jinti lebadu pa katiberasku; se mininus sapa-sapadu na kantu di tudu rua. E bota sorti pa si ŝefis ku omis importanti; e maradu ku korentis.