Isaias 13:10 - BIBLIA - traduson antigu in Krioulo

¹⁰ Strelas na seu na se grupus e na para numia; ora ku sol mansi i na torna sukuru; lua ka na numia kau ku si klaridadi.

Isaias 13:10 ပူးပေါင်းရင်းမြစ်များ

Jo 9:7

I ta papia ku sol; kila ka ta sai; i ta tapa klaridadi di strelas.

Eklesiastis 12:2

Lembra del antis di sol ku klaridadi, lua ku strelas, e bida sukuru; nuvens torna bin dipus di cuba;

Isaias 24:21

Dia na ciga ku SIÑOR na kastiga puderis la riba na seu, ku reis di tera li bas.

Isaias 24:23

Lua na fika sukuru; sol na sukundi rostu ku borgoña ora ku SIÑOR ku ten tudu puder na rena na Jerusalen na monti di Sion. Si garandis na oja si gloria.

Isaias 47:5

“Abo, Kaldeia, sinta ketu na sukuru, pabia nunka mas bu ka na comadu raiña di manga di renu.

Isaias 5:30

Na ki dia tropas na grita kontra Israel suma baruju di mar. Si algin jubi pa tera, i na oja son sukuru ku foronta. Lus na torna sukuru suma nuven pretu.

Isaias 50:3

I ami ku ta bisti seu ku sukuru, N kubril ku saku.”

Joel 2:10

Se dianti tera na bulbuli, seu na tirmi, sol ku lua bida sukuru, strelas para numia.

Joel 2:31

Sol na bida sukuru, lua na bida sangi, antis di ciga ki dia garandi i meduñu di SIÑOR.

Joel 3:15

Sol ku lua na sukuru; strelas na para numia.

Amos 5:20

Nta dia di SIÑOR ka na sedu sukuru, sin lus? I na sedu sukuru dimas, sin klaridadi, nin pikininu.

Naun 1:8

Ku garandi korenti di yagu i na kaba ku ki kau. I na serka si inimigus pa e bai pa sukuru.

Zakarias 14:6

Na ki dia lus ka na ten, nin friu nin jeada,

Mateus 24:29

“Dipus di ki dias di foronta, sol na bida sukuru, lua ka na da si lus, strelas na kai di seu, puderis di seu na bulbulidu.

Markus 13:24

“Dipus di ki dias di foronta, sol na bida sukuru, lua ka na da lus;

Lukas 21:25

“I na ten sinal na sol, na lua ku strelas. Na tera nasons na fika forontadu; e ka na sibi ke ke na fasi pabia di baruju di maron na mar.

Atus 2:20

Sol na bida sukuru; lua na bida sangi antis di ciga ki dia garandi i gloriosu di Siñor.

Apokalipsi 8:12

Oca ku kuartu anju toka si korneta, tersa parti di sol fididu, ku tersa parti di lua, ku tersa parti di strelas, pa tersa parti delis bida sukuru, tersa parti di lus di dia pa ka i klaru, tambi di noti pa ka i numia.