Isaias 11:11 - BIBLIA - traduson antigu in Krioulo

¹¹ Na ki dia SIÑOR na torna distindi si mon pa liberta restu di si pobu, kilis ku sobra na Asiria, Ejitu, Patros, Etiopia, Elan, Babilonia, Amat, ku na jius ku teras lungu di mar.

Isaias 11:11 ပူးပေါင်းရင်းမြစ်များ

Kumsada 10:10

Na kumsada, si renu seduba Babel, Erek, Akad, ku Kalné na tera di Sinar.

Kumsada 10:22

Fijus di Sen e sedu: Elan, Asur, Arfasad, Lud ku Aran.

Kumsada 11:2

Oca ku omis na bai pa ladu di saida di sol, e oja un kau ku ka tene montaña, na tera di Babilonia, e mora la.

Kumsada 14:1

Na tempu di Anrafel, rei di Babilonia, Ariok, rei di Elasar, Kedorlaomer, rei di Elan, ku Tidal, rei di Goin,

Kumsada 2:13

Nomi di sugundu riu i Jion. E riu i ta rodia tudu tera di Kus.

2 Reis 17:24

Rei di Asiria tisi jinti di Babel, Kuta, Ava, Amat ku Sefarvain, i pui elis pa e mora na prasas di Samaria na lugar di fijus di Israel. Asin e toma Samaria suma se tera, e mora la na prasas.

Ester 10:1

Dipus de kusas, rei Asueru kobra mpustu na tudu tera suma na jius.

Salmus 68:22

SIÑOR fala: “N na ribanta elis di Basan; N na pui elis pa e riba di fundu di mar,

Isaias 1:9

Si SIÑOR ku ten tudu puder ka disanuba utrus ku sobra ku vida, no na danaduba suma Sodoma ku Gomora.

Isaias 10:20

Na ki dia restu di Israel, kilis di familia di Jakó ku kapli, nunka mas e ka na nkuña na kil ku mistiba kaba ku elis, ma na bardadi e na nkuña na SIÑOR, Deus Santu di Israel.

Isaias 10:9

N ka toma prasa di Kalnó suma tambi prasa di Karkemis? N ka ngaña Amat suma Arpad, ku Samaria suma Damasku?

Isaias 11:16

I na ten bon kamiñu pa si pobu ku sobra na Asiria, pa e pudi bin nel, suma ki tenba pa Israel oca ki sai di tera di Ejitu.

Isaias 19:21

SIÑOR na pui Ejitu pa i kunsil; ejipsius na rikuñisil na ki dia. Elis e na adoral ku sakrifisius ku ofertas di kumida; e na fasi purmesas pa SIÑOR ke na bin kumpri.

Isaias 19:22

SIÑOR na kastiga ejipsius, i na kura elis. E na konverti pa SIÑOR; i na obi se orasons, i na kura elis.

Isaias 21:2

N mostradu un vison duru. Falsiadur na falsia; danadur na yanda i na dana son pa bai. O Elan, bai bu ataka! O Media, taja prasa. N kaba ku tudu jimi di jinti ku Babilonia kastiga.

Isaias 22:6

Elan na bin ku karus ku tropas di kabalus, yarmadu ku sakus di fleŝas. Omis di Kir pruntia se tajaderas.

Isaias 24:15

Asin, abos na ladu di saida di sol, bo ngaba SIÑOR; abos na jiu, bo ngaba nomi di SIÑOR, Deus di Israel.

Isaias 37:31

Kilis ku sobra di jorson di Judá e na torna manda rais pa fundu, e na padi frutu riba.

Isaias 42:10

Bo kanta un kantiga nobu pa SIÑOR, bo kanta pa ngabal, abos di tudu mundu! Abos ku sta na bias di yagu, ku tudu ku sta na mar, abos, jius, ku tudu kilis ku mora la, bo kanta pa ngaba SIÑOR.

Isaias 42:12

Kilis ku mora na jius pa e ngaba SIÑOR, e dal gloria!

Isaias 42:4

I ka na fraksi nin i ka na bin kebrantadu tok i pui justisa na tera. Jinti di jius na pui se speransa na si nsinamentu.”

Isaias 45:14

SIÑOR fala Israel: “Rikesa di Ejitu ku lukru di jilas di Etiopia na sedu di bo; ki omis altu di Seba na bin sedu bu katibus. E na pega bu tras, maradu ku korenti; e na mpina bu dianti pa rogau, e fala: ‘Na bardadi Deus sta na bo metadi; i ka ten mas utru deus fora del!’ ”

Isaias 49:12

Jubi, e na bin di lunju, utrus di norti, utrus di ladu di saida di sol, utrus di tera di Sinin.”

Isaias 66:19

N na pui un sinal na se metadi. Kilis ku kapli, N na manda elis pa utru nasons — pa Tarsis, Libia, Lidia (nunde ke ten fama ku mansasa), Tubal ku Gresia, te na jius mas lunju, ku nunka ka obi ña fama nin e ka oja ña gloria; e na anunsia ña gloria na metadi di nasons.

Jeremias 25:25

tudu reis di Zinri, Elan ku Media;

Jeremias 31:10

“O nasons, bo obi palabra di SIÑOR, bo kontal na tera lunju, lungu di mar. Kil ku pajiga Israel i na junta elis; i na guarda elis suma bakiadur ku si karnel.

Jeremias 44:1

E palabra bin pa Jeremias aserka di tudu judeus ku bai mora na Ejitu, na prasas di Migdol, Tafnes ku Memfis, ku na reẑion di Patros.

Jeremias 49:23

Aserka di Damasku: “Jinti di Amat ku Arpad e fika ku borgoña pabia e obi nobas ku ka sabi; e pirdi animu, e foronta suma mar ku na bulbuli, i ka pudi keta.

Ezekiel 27:6

E kumpu bu remus di po di karvaju di Basan; E fasi bu bankus di marfin mitidu na po ku bin di jiu di Ŝipri.

Ezekiel 29:14

N na tira elis di katiberasku, N na ribanta elis na Patros, ku sedu tera di se papes di antigu; e na sedu un renu fraku,

Ezekiel 30:14

N na dana Patros, N na pui fugu na Zoan, N na julga jinti di No ku kastigu.

Ezekiel 32:24

“Elan sta la, ku tudu si tropas na roda di si koba. Elis tudu e matadu ku spada, e ria na mundu di mortus sin e ka sedu sirkunsidadu. E ta pantandaba jinti na tera di bibus, ma e leba se borgoña ku kilis ku ria na koba.

Ezekiel 38:8

Dipus di manga di dia bu na comadu. Anus mas tardi bu na bin pa tera ku diskansa spada, ku si pobu bin di manga di nason pa montis di Israel ku danaduba. Ki pobu tiradu na metadi di manga di nason, e na mora suguru.

Daniel 1:2

SIÑOR ntrega Jeoiakin, rei di Judá, na si mon, ku un parti di kusas sagradu di kasa di Deus. I leba elis pa tera di Babilonia pa baloba di si deus, i pui elis na armazen di rikesa di si deus.

Daniel 11:18

Dipus rei di norti na vira si rostu pa teras lungu di Mar Mediteraneu, i na toma manga delis, ma un ŝef di tropas stranjeru na kaba ku si orgulyu, tok i pui ki orgulyu pa i kai riba di si propi kabesa.

Daniel 8:2

Na tempu ku N teneba ki vison, N staba na prasa fortifikadu di Susan, na pruvinsia di Elan, ma na vison N oja kuma N staba lungu di riu Ulai.

Oseias 1:11

Fijus di Judá ku fijus di Israel na junta, e na kuji un ŝef son; kusas na kuri elis diritu na tera, pabia dia di Jizreel na sedu garandi.

Oseias 11:10

“E na bai tras di SIÑOR; el i na somna suma lion. Ora ki somna, si fijus na tirmi, e na bin di kaida di sol.

Oseias 11:11

E na bin dipresa; kilis di Ejitu na bin suma kacus; di Asiria e na bin suma pumba. N na pui elis mora na se kasas.” Asin ku SIÑOR fala.

Mikeias 7:12

Na ki dia jinti na bin pa bo di Asiria, di prasas di Ejitu, di Ejitu te na riu Eufrates, di un mar te na utru mar, di montaña te na utru montaña.

Sofonias 2:11

SIÑOR na sedu meduñu pa elis, pabia i na kaba ku tudu deusis di tera. Jinti di tudu jius ku nasons e na adoral, kada kin na si kau.

Zakarias 5:11

I falan: “Pa tera di Babilonia, pa kumpul un kasa. Ora ki sta pruntu, sestu na pudu la na si propi lugar.”

Zakarias 8:7

Asin ku SIÑOR ku ten tudu puder fala: “N na kaplinti ña pobu di teras di saida di sol ku si kaida,

Zakarias 9:2

Tambi kondenason sta riba di Amat (ku junta frontera ku Adrak) ku Tiru ku Sidon, mesmu ke sedu jiru dimas.

Romanus 11:15

Oca Deus nega judeus, i yabri kamiñu pa mundu torna si amigu. Ora ku Deus torna seta judeus, ke ki na sedu? I na sedu vida pa kilis ku sta mortu.

Romanus 11:26

Asin tudu Israel na sedu salbu, suma ki sta skritu: “Libertadur na bin di Sion; i na tira tudu maldadi di Jakó.

2 Koríntius 3:16

ma ora ku algin konverti pa Siñor, veu ta tiradu.

Ripitison di Lei 9:29

Elis e sedu bu pobu, bu yardansa, ku bu distindi mon bu tira ku bu garandi forsa.”