Isaias 10:26 - BIBLIA - traduson antigu in Krioulo

²⁶ SIÑOR ku ten tudu puder na suta elis ku ŝikoti suma na ki matansa di Midian lungu di pedra garandi di Oreb; i na lantanda si po riba di yagu suma ki fasi na Ejitu.

Isaias 10:26 ပူးပေါင်းရင်းမြစ်များ

2 Reis 19:35

Ki di noti anju di SIÑOR bai pa kampamentu di Asiria, i mata sentu i oitenta i sinku mil delis. Oca ku sol mansi, ala e staba ja, tudu mortu.

Salmus 35:23

Ña Deus, disperta, bu fasin justisa; ña SIÑOR, lanta, bu bin difindi ña kasu.

Salmus 83:11

Fasi se garandis suma Oreb ku Zeeb; fasi tudu se ŝefis suma Zebá ku Zalmuna,

Saida 14:16

Yalsa bu manduku, bu distindi mon riba di mar pa dividil, pa fijus di Israel pudi pasa na metadi del na con seku.

Isaias 10:24

Asin ku SIÑOR Deus ku ten tudu puder fala: “Ña pobu ku mora na Sion, ka bu ten medu di Asiria ora ki na sutau ku po, i lantanda po garandi kontra bo na manera di ejipsius,

Isaias 11:16

I na ten bon kamiñu pa si pobu ku sobra na Asiria, pa e pudi bin nel, suma ki tenba pa Israel oca ki sai di tera di Ejitu.

Isaias 30:30

SIÑOR na pui gloria di si vos pa i obidu, i na pui jinti oja si mon ku na disi ku raiba ku na yardi, lingua di fugu ku ta kema tudu, ku turbada forti ku relampagu, ku cuba di pedra.

Isaias 30:31

Ku si vos SIÑOR na padasa Asiria, i na molosta elis ku si bingala di renansa.

Isaias 30:32

Kada suti ku SIÑOR na da ku ki po di kastigu i na kumpañadu ku tambriñas ku arpas. SIÑOR na geria ku elis ku pankada riba di pankada.

Isaias 9:3

Bu buri e pobu; bu torna buri elis kontentamentu. E kontenti bu dianti suma jinti ku kontenti na kebur, o na ora ke na rapati rikesa ke ngaña na gera,

Isaias 9:4

pabia bu kebra kanga ku staba pisadu riba delis, ki po ku na molostaba elis na ombras. Bu kebra forsa di inimigus ku na kalkaba elis suma na ki tempu ku midianitas ngañadu.

Apokalipsi 11:18

Nasons paña raiba, ma dia di bu vinga ciga. I tempu ja pa mortus julgadu, tempu pa bu paga bu servus anunsiadur, ku bu pobu, ku kilis ku rispita bu nomi, pikininus ku garandis; i tempu pa bu dana ki jinti ku dana tera.”

Apokalipsi 19:15

Na si boka i sai un spada fiadu pa fidi nasons ku el. I na guberna elis ku vara di feru. I na masa na lagar di biñu di forti raiba di Deus ku ten tudu puder.

Ŝefis 7:25

E prindi dus ŝef di midianitas, ku sedu Oreb ku Zeeb. E mata Oreb na pedra garandi di Oreb, e mata Zeeb tambi na kau di masa uvas di Zeeb. E kontinua na serka midianitas. Dipus e tisi kabesa di Oreb ku di Zeeb pa Jidion ku staba lungu di Jordon.