Isaias 1:25 - BIBLIA - traduson antigu in Krioulo

²⁵ N na toma midida kontra bo, N na purifikau, suma algin ta purifika prata; N na tirau tudu susidadi ku sta na bo.

Isaias 1:25 ပူးပေါင်းရင်းမြစ်များ

Salmus 119:119

Tudu jinti mau di mundu, bu ta bota elis suma liŝu; e ku manda N gosta di bu nsinamentus.

Isaias 1:22

Bu seduba suma prata, ma gosi bu ka ten balur; bu biñu i jagasidu ku yagu.

Isaias 27:9

Purdon di pekadu di Israel i na sedu ora ku Israel tira si propi pekadu. I na purdadu ora ki fasi tudu pedras di si altaris suma padas pikininu di jis; ki idulus di Aserá ku altaris di nsensu e ka pudi fika di pe.

Isaias 4:4

SIÑOR na laba susidadi di minjeris di Sion ku spiritu di julgamentu ku fugu; i na limpa kulpa di sangi ku darmadu na Jerusalen.

Jeremias 6:29

Banadera di fugu na supra ku forsa, pa fugu pudi kema cumbu. Fereru na tarbaja diritu, ma tudu i amonton, pabia kilis ku mau e ka tiradu.

Jeremias 9:6

Bu mora na metadi di nganu; pabia di nganu e nega kunsin.” Asin ku SIÑOR fala.

Jeremias 9:7

Pabia di kila, SIÑOR ku ten tudu puder fala: “N na purifika elis ku fugu suma ku metal ta purifikadu; N na proba elis. Kal manera mas ku N pudi fasi ku ña pobu pabia di se pekadu?

Ezekiel 20:38

N na libra bos di disobdientis ku kilis ku lanta kontra mi; N na tira elis na tera ke mora nel, ma pa tera di Israel e ka na riba. Bo na sibi kuma ami i SIÑOR.

Ezekiel 22:19

E ku manda SIÑOR Deus fala: ‘Manera ku abos tudu bo torna suma un kusa ku ka bali, N na junta bos na metadi di Jerusalen

Ezekiel 22:20

suma ke ta junta prata, kobri, feru, cumbu ku lata dentru di furnu; e ta supra fugu riba delis pa e ribi. Asin N na junta bos na prasa; ña raiba na yardi riba di bos tok bo ribi.

Ezekiel 22:22

Suma ku prata ta ribi na furnu, asin ku bo na ribi na prasa. Bo na sibi kuma ami, SIÑOR, N darma ña raiba riba di bos.’ ”

Sofonias 3:11

Na ki dia bu ka na burguñu di nin un di kusas ku bu fasi, manera ku bu disobdisin, pabia N na tira na bu metadi kilis ku ta kontenti na se orgulyu. Nunka mas bu ka na yalsa ombra na ña monti sagradu.

Malakias 3:3

I na sinta suma algin ku na rifina i purifika fijus di Levi, i na rifina elis suma uru ku prata. Asin e na tisi ofertas pa SIÑOR ku bon korson.

Mateus 3:12

I ten kabas na si mon pa buanta paja na arus na kau di masa. Dipus i ta bin rukuji si arus na bemba; i na bin kema paja ku fugu ku nunka ka ta paga.”

Ripitison di Lei 32:43

Abos nasons, bo kontenti juntu ku si pobu, pabia i na vinga sangi di si servus; i na torna vingansa pa si inimigus, i na purda si pobu ku se tera.

Apokalipsi 3:19

N ta raprindi, N ta kastiga tudu jinti ku N ama. Asin, pui garandi sintidu, bu ripindi.