Isaias 1:10 - BIBLIA - traduson antigu in Krioulo

¹⁰ Abos, ŝefis di Sodoma, bo obi palabra di SIÑOR; abos, jinti di Gomora, bo para sintidu na lei di SIÑOR.

Isaias 1:10 ပူးပေါင်းရင်းမြစ်များ

Kumsada 13:13

Omis di Sodoma seduba mau, e ta fasiba pekadu ciu kontra SIÑOR.

Isaias 28:14

Abos omis diskarnos ku na manda riba de pobu ku sta na Jerusalen, bo sukuta palabra di SIÑOR.

Isaias 3:9

Se rostu ta mostra se kulpa; elis e ta peka dianti di jinti suma jinti di Sodoma ta pekaba; e ka ta sukundi. Ai delis! E ta fasi mal pa se kabesa.

Isaias 30:9

pabia es i pobu rebeldi, fijus munturus, fijus ku ka ta misti sukuta lei di SIÑOR,

Isaias 33:22

SIÑOR i no Juis; SIÑOR i kil ku ta danu lei; el ku sedu no rei; el ku na salbanu.

Isaias 8:20

Bo bai pa lei ku palabra di Deus! Si jinti ka fala konformi e palabra, nunka e ka na oja lus di mandrugada.

Jeremias 23:14

Ma na anunsiaduris di Jerusalen N oja un kusa mau dimas: e kai ku utru minjeris, e yanda na mintida, e buri forsa na mon di jinti malvadu, pa ka e konverti di se maldadi. Elis tudu e bida nujenti pa mi suma Sodoma; moraduris di Jerusalen bida suma Gomora.”

Jeremias 9:26

ku sedu Ejitu, Judá, Edon, fijus di Amon ku Moab, ku tudu kilis ku ta korta partis di se kabelu, ku ta mora na lala, pabia tudu e nasons, ku Israel tambi, e ka sirkunsidadu na bardadi, pabia e ka tira impuresa di korson.”

Ezekiel 13:2

“Fiju di omi, anunsia kontra anunsiaduris di Israel ku ta anunsia son kil ku bin na se kabesa. Fala elis: ‘Bo obi palabra di SIÑOR.

Ezekiel 16:35

“‘Asin, minjer di mau vida, obi palabra di SIÑOR!

Ezekiel 16:46

Bu irma mas beju i Samaria, ku sta na norti di bo ku si fijus femia. Bu irma mas pikininu i Sodoma, ku sta na sul di bo ku si fijus femia.

Ezekiel 16:49

“‘Es i seduba pekadu di bu irma Sodoma ku si fijus femia: E sinti orgulyu pabia e teneba tudu ki pirsis pa kume, ku un vida ketu sin tarbaju, ma nunka e ka juda koitadis ku kin ku pirsisa di ajuda.

Amos 3:1

Pobu di Israel, bo obi e palabra ku SIÑOR papia kontra bos, kontra tudu familia ku N tira di tera di Ejitu.

Amos 3:8

Lion somna; kin ku ka na medi? SIÑOR Deus papia ja; kin ku ka na anunsia si rekadu?

Amos 9:7

SIÑOR punta: “O fijus di Israel, nta bo ka sedu pa mi suma jinti di Etiopia? N ka tisi Israel na tera di Ejitu? N ka tisi filisteus di Kaftor? N ka tisi sirus di Kir?

Mikeias 3:1

Ami N fala: “Bo sukuta, abos ŝefis di pobu di Israel. Nta i ka abos ku dibi di kunsi justisa?

Romanus 9:29

I suma ku Isaias tarda fala: “Si Siñor ku ten tudu puder ka disanuba jorson, no na bidaba suma Sodoma, no na parsiba ku Gomora.”

Ripitison di Lei 32:32

Se pe di uva i bin di Sodoma, i sai na orta di Gomora. Se uvas inci ku venenu; se kacu i malgos.

Apokalipsi 11:8

Se difuntus na fika ditadu na kau publiku di prasa garandi ku parsintidu suma Sodoma ku Ejitu, i dadu ki nomis, nunde tambi ku se Siñor krusifikadu.